Ahmedabad Rain News : ઓઢવના મધુમાલતી આવાસમાં ભરાયા ઘૂંટણસમા પાણી, AMCનો કરોડોનો મોન્સૂન પ્લાન પાણીમાં

સમગ્ર અમદાવાદમાં વહેલી સવારથી ધોધમાર વરસાદ વરસી રહ્યો છે, ત્યારે અલગ-અલગ વિસ્તારમાં પાણી ભરાવાની સમસ્યા સર્જાઈ છે, ઓઢવના મધુમાલતી આવાસમાં ભરાયા ઘૂંટણસમા પાણી અને મધુમાલતી આવાસનો આખો રસ્તો જળમગ્ન થયો છે, ગટરના પાણી પણ બેક મારતા પાણી ભરાયા છે, AMCનો કરોડોનો મોન્સૂન પ્લાન પાણીમાં વહી ગયો છે.

ઓઢવના મધુમાલતી આવાસના સ્થાનિકો અકળાયા

ઓઢવના મધુમાલતી આવાસના સ્થાનિકો વરસાદી પાણી ભરાતા અકળાયા છે, સ્થાનિકોનું કહેવું છે કેસ પ્રિ-મોન્સૂન પ્લાન બનાવાય છે અને તેની અસર દેખાતી નથી, 10 વર્ષથી મધુમાલતી આવાસમાં પાણી ભરાય છે તેવો આક્ષેપ સ્થાનિકો કરી રહ્યાં છે, અધિકારીઓ પણ કંઈ સાંભળતા નથી તેવી વાત સ્થાનિકો કરી રહ્યાં છે.

થોડાક વરસાદે અમદાવાદમાં પાણી ભરાયા

થોડાક જ વરસાદમાં ઘાટલોડીયાના ચાણક્યપુરીમાં ઘૂંટણસમાં પાણી ભરાયા છે, સુદર્શન કોમ્પ્લેકક્ષસમાં પણ વરસાદી પાણી ભરાયા હોવાની વાત સામે આવી છે, વરસાદી અને ગટરના પાણીથી લોકો પરેશાન થયા છે, સ્થાનિકોનું કહેવું છે કે, AMCમાં રજૂઆત કરવા છતાં પાણી ઉતરતા નથી, સ્થાનિકો ગટરના પાણીમાંથી પસાર થવા મજબૂર બન્યા છે.

અમદાવાદના રિંગ રોડ પર વરસાદી પાણી ભરાયા

અમદાવાદના રિંગ રોડ પર વરસાદી પાણી ભરાયા હોવાની વાત સામે આવી છે, પાણી ભરાતા વાહનચાલકોને ભારે હાલાકી પડી રહી છે, સામાન્ય વરસાદમાં પણ રિંગ રોડ પર પાણી ભરાઈ જવાની સમસ્યા રહેતી હોય છે.

હવામાન વિભાગ દ્વારા નાઉકાસ્ટ જાહેર કરાયું

હવામાન વિભાગ દ્વારા નાઉકાસ્ટ જાહેર કરાયું છે જેમાં સવારે 10 વાગ્યા સુધી નાઉકાસ્ટ જાહેર કરાયું છે, 6 જિલ્લામાં વરસાદને લઇ રેડ એલર્ટ જાહેર કરાયું છે, બનાસકાંઠા, પાટણમાં રેડ એલર્ટ જાહેર કરાયું છે, મહેસાણા,સાબરકાંઠામાં રેડ એલર્ટ અપાયું છે, વરસાદને લઇ 21 જિલ્લામાં ઓરેન્જ એલર્ટ અપાયું છે, કચ્છ,સુરેન્દ્રનગર,મોરબી, અમદાવાદ, આણંદ, ગાંધીનગર, દાહોદ, મહિસાગર, પંચમહાલ, છોટાઉદેપુર, વડોદરા, નર્મદા, ભરુચ, સુરત, તાપી, વલસાડ, નવસારી, ડાંગ, રાજકોટ, જામનગર, જૂનાગઢમાં ઓરેન્જ એલર્ટ આપવામાં આવ્યું છે.