Ahmedabad Rain News : સાબરમતી રિવરફ્રન્ટનો વોકવે પાણીમાં ગરકાવ, સાબરમતી નદીનું રોદ્ર સ્વરૂપ આવ્યું સામે

અમદાવાદમાં સાબરમતી નદીનું રોદ્ર સ્વરૂપ સામે આવ્યું છે જેમાં સાબરમતી રિવરફ્રન્ટનો વોકવે પાણીમાં ગરકાવ થયો છે અને ઉપરવાસમાંથી પાણી છોડાતા પાણીની આવક પણ નોંધાઈ છે, રિવરફ્રન્ટના વોક વે પર પ્રતિબંધ લગાવાયો છે અને ફાયર વિભાગ અને પોલીસની એક ટીમ સ્ટેન્ડબાય રાખવામાં આવી છે અને લોકોની અવર જવર પર પ્રતિબંધ લગાવાયો છે.

અમદાવાદની સાબરમતી નદીમાં પાણીની ભારે આવક

અમદાવાદની સાબરમતી નદીમાં પાણીની ભારે આવક થઈ રહી છે અને સાબરમતી નદી બે કાંઠે વહી રહી છે, ગાંધીનગરના સંત સરોવર અને ધરોઈ ડેમમાંથી પાણી છોડાઈ રહ્યું છે જેના કારણે અમદાવાદની સાબરમતી નદી બે કાંઠે વહી રહી છે અને રીવરફ્રન્ટનો વોકવે પાણીમાં ગરકાવ થયો છે, વાસણા ડેમના દરવાજા ખોલીને પાણી છોડવામાં આવ્યું છે, સાબરમતી નદી બે કાંઠે વહેતા થતા નયનરમ્ય દ્રશ્યો સર્જાયા છે, અમદાવાદ શહેરમાં ગતમોડી સાંજથી ભારે વરસાદ વરસી રહ્યો છે.

અમદાવાદમાં વહેલી સવારથી ધોધમાર વરસાદ

અમદાવાદમાં ઠેર ઠેર વરસાદી પાણી ભરાયા છે, ઈસનપુરમાં વરસાદી પાણી ભરાતા હાલાકી સ્થાનિકોને પડી રહી છે, અમદાવાદનો ઇસનપુર સર્વિસ રોડ બંધ કરવાની પડી ફરજ પડી છે અને સર્વિસ રોડ પર કમરસમા પાણી ભરાતા હાલાકી પડી રહી છે, રોડ પર પાણી ભરાતા વાહનચાલકોને પરેશાન થયા છે, ભારે વરસાદથી નારોલ રોડ પાણીમાં ગરકાવ થયો છે અને જશોદાનગર રોડ પર કમરસમા પાણી ભરાયા છે. ધરોઈ ડેમમાંથી સતત પાણી છોડાતા સાબરમતી નદીમાં જળસ્તરમાં વધારો

સાબરમતી નદીના જળસ્તરમાં વધારો થયો છે, સંત સરોવર પાસે જળ સપાટી 53 મીટરે પહોંચી છે અને ઉપરવાસમાંથી 1,21,660 ક્યુસેક પાણી સંત સરોવરમાં આવી રહ્યું છે, સંત સરોવરના તમામ દરવાજા ખોલી 92700 ક્યુસેક પાણી નદીમાં છોડાઈ રહ્યું છે.