Ahmedabad Coldplay Concert: કોલ્ડપ્લે કોન્સર્ટમાં ક્રિસ માર્ટિનના સોંગ્સ મચાવશે ધૂમ, યંગસ્ટર્સમાં થનગનાટ!

અમદાવાદમાં યોજાનાર કોલ્ડપ્લે કોન્સર્ટ માટે ગુજરાત પોલીસે કડક સુરક્ષા વ્યવસ્થા કરી છે. આ કાર્યક્રમ 25 અને 26 જાન્યુઆરીએ અમદાવાદના નરેન્દ્ર મોદી સ્ટેડિયમ ખાતે આયોજિત થવાનો છે. કોલ્ડપ્લે એક પ્રખ્યાત બ્રિટિશ રોક બેન્ડ છે, જેના કોન્સર્ટ સુરક્ષા માટે લગભગ 3800 પોલીસ કર્મચારીઓ, NSG ટીમ અને 400 થી વધુ CCTV કેમેરા લગાવવામાં આવ્યા છે.કોલ્ડપ્લે કોન્સર્ટમાં હાજર તમામ પ્રેક્ષકોના જીતશે દિલ!કોલ્ડ પ્લે કોન્સર્ટને લઈને યંગસ્ટર્સમાં ઉત્સાહ જોવા મળી રહ્યો છે. મુંબઈ, છત્તીસગઢ, બેંગ્લોર, દિલ્હીથી આવ્યા યંગસ્ટર્સ અમદાવાદમાં યોજાનાર કોલ્ડપ્લે કોન્સર્ટમાં પહોંચ્યા છે. વિવિધ પોસ્ટર્સ અને બેનર્સ લઈને પ્રેક્ષકો કોલ્ડપ્લે કોન્સર્ટ પહોંચ્યા છે. કોલ્ડપ્લે કોન્સર્ટમાં ક્રિસ માર્ટિનના સોંગ્સ એન્જોય કરવા યુવાનોમાં ઉત્સાહ જોવા મળી રહ્યો છે.ગુજરાતના અમદાવાદના નરેન્દ્ર મોદી સ્ટેડિયમ ખાતે આજે કોલ્ડપ્લે કોન્સર્ટનું આયોજન કરવામાં આવ્યું છે. સંગીત રસિયાઓને મ્યુઝિકના શાનદાર અનુભવ સાથે અહીં ખાસ વસ્તુઓ પણ આપવામાં આવશે. કોલ્ડપ્લે કોન્સર્ટમાં હાજર તમામ પ્રેક્ષકો તેનો અનુભવ કરી શકશે, જેનાથી આ કોન્સર્ટ યાદગાર બની રહે. જેમાં રિસ્ટ બેન્ડથી લઈને મૂનગોગલ્સ સહિતની આકર્ષક વસ્તુઓનો સમાવેશ થાય છે.રાષ્ટ્રીય સુરક્ષા ગાર્ડ (NSG)ની એક વિશેષ ટુકડી પણ તૈનાત આ કાર્યક્રમની સુરક્ષામાં કોઈ ખામી ન રહે તે માટે, રાષ્ટ્રીય સુરક્ષા ગાર્ડ (NSG)ની એક વિશેષ ટુકડી પણ તૈનાત કરવામાં આવી છે. તે સુરક્ષા પાસાઓ પર સતત નજર રાખશે. અમદાવાદ ક્રાઈમ બ્રાન્ચ સહિત અન્ય ખાસ ટીમોને પણ મેટ્રો સ્ટેશન અને અન્ય મહત્વપૂર્ણ વિસ્તારોમાં તૈનાત કરવામાં આવી છે. NSG ટીમ ઉપરાંત, ત્રણ ક્વિક રિસ્પોન્સ ટીમો પણ તૈનાત કરવામાં આવી છે. એક ટીમ સ્ટેટ ડિઝાસ્ટર રિસ્પોન્સ ફોર્સની છે. 10 ટીમો બોમ્બ વિશે માહિતી એકત્રિત કરશે. માહિતી આપતાં અધિકારીએ જણાવ્યું કે આટલી મોટી સંખ્યામાં લોકોના આગમનને કારણે, તબીબી અને પેરામેડિકલ ટીમો પણ તૈનાત કરવામાં આવી છે. જેથી કોઈપણ પરિસ્થિતિનો સામનો કરી શકાય.શું હશે આ ખાસ વસ્તુ? કોલ્ડપ્લેમાં જઈ રહેલાં લોકોને આયોજકો દ્વારા રિસ્ટબેન્ડ, મૂનગોગલ્સ, પેડલ બાઇક, મ્યુઝિક બ્રેસલેટ, ટી-શર્ટ હૂડીઝ આપવામાં આવશે. જેનાથી તેમનો મ્યુઝિકનો અનુભવ તો ખાસ રહેશે જ પરંતુ આ કોન્સર્ટ પણ યાદગાર રહેશે. ત્યારે ચાલો જાણીએ આ તમામ વસ્તુઓની ખાસ વિશેષતા વિશે. LED રિસ્ટબેન્ડ: કોલ્ડપ્લેમાં હાજર દરેક પ્રેક્ષકને રેડિયો ફ્રિકવ્નસી ટેક્નોલોજીથી સજ્જ રિસ્ટબેન્ડ આપવામાં આવશે. જે મ્યુઝિક બીટ પર કામ કરશે. આ રિસ્ટબેન્ડથી આખું સ્ટેડિયમ રંગબેરંગી એલઈડી લાઇટથી ઝગમગી ઉઠશે. જોકે, આ રિસ્ટબેન્ડ પ્રેક્ષકોએ કોન્સર્ટ ખતમ થયા બાદ પરત આપવાના રહેશે. મૂનગોગલ્સ: આ સિવાય પ્રેક્ષકોને મૂન ગોગલ્સ પણ આપવામાં આવશે. આતશબાજી વખતે આ ચશ્મા પહેરવાથી અલગ-અલગ કલરના હાર્ટ શેપ દેખાશે. જેનાથી કોન્સર્ટમાં એક અદ્ભુત અનુભવ માણી શકાશે. પ્રેક્ષકો આ ગોગલ્સને ઘરે પણ લઈ જઈ શકશે. પેડલ બાઇક: કોલ્ડપ્લેમાં હાજર પ્રેક્ષકોને પેડલ બાઇક કે કાઇનેટિક ફ્લોર જોવા મળશે. શોની એનર્જી જાળવી રાખવા માટે આ વ્યવસ્થા કરવામાં આવી છે. આ બાઇક પર પેડલ મારવાથી શોમાં હાજર લાઇટને ઇલેક્ટ્રિસિટી મળશે અને એક અદ્ભુત અનુભવ માણી શકાશે. મ્યુઝિક બ્રેસલેટ: સ્ટેડિયમમાં કોલ્ડપ્લેના ઓફિશિયલ મર્ચન્ડાઇઝ સ્ટોલ હશે. જ્યાંથી કોલ્ડપ્લેના મ્યુઝિક બ્રેસલેટ મળી શકશે. આ બ્રેસલેટ ખરીદીને તમે ઘરે લઈ જઈ શકો છો. કોલ્ડપ્લે હૂડી: નરેન્દ્ર મોદી સ્ટેડિયમમાં ઓફિશિયલ કોલ્ડપ્લેના મર્ચન્ડાઇઝ સ્ટોલમાંથી તમે કોલ્ડપ્લેની હૂડી પણ લઈ શકો છો. ત્યાં તમને કોલ્ડ પ્લેની ટોપી, ટી-શર્ટ, હૂડી મળી રહેશે. આ સિવાય મ્યુઝિક સીડી તેમજ અનેક યાદગાર વસ્તુઓ મળશે.