Ahmedabad: બુરખો પહેરીને જતી યુવતી સાથે બળજબરી કરનાર યુવકની ધરપકડ

અમદાવાદમાં યુવતી સાથે ગેરવર્તન કરીને ચહેરો બતાવવા બળજબરી કરનાર યુવકની પોલીસે ધરપકડ કરી છે. દાણીલીમડા વિસ્તારમાં યુવતી એક યુવક સાથે બાઈક પર જતા રોકીને તેનો ચેહરો બતાવવા બળજબરી કરી હતી. અમદાવાદના દાણીલીમડામાં યુવતી એક યુવક સાથે બાઈક પર જઈ રહી હતી. જે દરમિયાન બાઈક પર અન્ય એક શખ્સ પાછળથી આવ્યો અને યુવકનું નામ પુછ્યું કે તારુ નામ શું છે ત્યાર બાદ યુવતીનું નામ પુછ્યું અને ચહેરો બતાવવા કહ્યું. અને કહ્યું કે ચહેરો નહીં બતાવે તો તારા ઘરે ફોન લગાવ મારે વાત કરવી છે તેમ કહીને બંને વ્યક્તિઓને જબરજસ્તી ઉભા રાખ્યા હતા અને જવા દીધા ન હતા. અને યુવકની સાથે રહેલા અન્ય શખ્સો પણ બિભત્સ શબ્દો બોલતા હતા. આ ઘટનાનો વીડિયો વાયરલ થયો હતો. જાગૃત નાગરિકની ફરિયાદ બાદ આરોપીની ધરપકડ વીડિયો વાયરલ થતાં કોમેન્ટમાં જાગૃત નાગરિકે કાર્યાવાહી કરવા અનુરોધ કરતા પોલીસે આરોપી સામે ગુનો નોંધી અટકાયત કરી હતી. અને વીડિયો ઉતારીને માફી મંગાવી હતી. અમદાવાદ પૂર્વ પોલીસે ગુનો નોંધી આરોપી અઝરૂદ્દીન ઉર્ફે અઝ્ઝુ શેખની ધરપકડ કરી છે. આરોપી અઝરૂદ્દીન ઉર્ફે અઝ્ઝુ શેખની ધરપકડ કરી જ્યુડિશિયલ કસ્ટડીમાં મોકલવામાં આવ્યો છે.