સાણંદમાં ગેરકાયદે કોલ સેન્ટર ચલાવતા ત્રણ યુવકોને ઝડપી લેવાયા

Feb 20, 2025 - 01:00

Join our WhatsApp Community to receive travel deals, free stays, and special offers!
- Join Now -

અમદાવાદ, બુધવાર

અમદાવાદ જિલ્લાના સાણંદમાં સ્થાનિક પોલીસે દરોડો પાડીને ગેરકાયદે ચલાવવામાં આવતા કોલ સેન્ટરનો પર્દાફાશ કરીને ત્રણ યુવકોને ઝડપીને કાર્યવાહી કરી છે. પ્રાથમિક તપાસમાં જાણવા મળ્યું હતું કે અમેરિકાના નાગરિકોને ઓછા વ્યાજદરે લોન અપાવવાનું કહીને પ્રોસેસીંગ ફીના નામે હવાલાની મદદથી નાણાં ભારતમાં મેળવવામાં આવતા હતા. આ અંગે સાણદ પોલીસે વધુ તપાસ હાથ ધરી છે. સાણંદ પોલીસ સ્ટેશનના પીઆઇ એચ જી રાઠોડને માહિતી મળી હતી કે સાણંદ નજીક અણદેજ ગામમાં રહેતો હારૂન વાઘેલા તેના ફાર્મ હાઉસમાં બહારથી તેના સાગરિતોને બોલાવીને અમેરિકામાં કોલ કરીને નાગરિકોને ઓછા વ્યાજદરે લોન અપાવવાનું કહીને પ્રોસેસીંગ ફીના નામે નાણાં પડાવે છે. જેના આધારે પોલીસે દરોડો પાડીને તારીક સૈયદ ( નુર-એ-લક્ષ્મી સોસાયટી, રોયલ અકબર ટાવર પાસે, જુહાપુરા) અને અસફાક કાઝી ( ફતેવાડી, જુહાપુરા)ને ઝડપી લીધા હતા.