વડોદરા શહેર દિવાળીના તહેવારમાં ઝગમગતું હતું અને વોર્ડ નં.12ના અડધા વિસ્તારમાં અંધકાર હતો : ભાજપના કોર્પોરેટરે પીડા ઠાલવી

image : SocialmediaVadodara : વડોદરા પાલિકાની સભામાં સત્તા પક્ષ ભાજપના કોર્પોરેટર મનીષ પગારેએ રજૂઆત કરી હતી કે, દિવાળીમાં જ્યારે આખું શહેર ઝગમગતું હતું ત્યારે અમારા વોર્ડ નંબર 12ના વિસ્તારમાં ચાર-પાંચ દિવસ અંદાજે 50% જેટલા વિસ્તારમાં સ્ટ્રીટ લાઇટ બંધ હતી. આ અંગે મેં પાલિકાના અધિકારીઓ અને કોન્ટ્રાક્ટરને રજૂઆત કરી પરંતુ તહેવાર ટાણે તેઓ પ્રશ્ન હલ ન કરાવી શક્યા. આજ દિન સુધી પણ અમારા વોર્ડમાં હજુ અનેક લાઈટો બંધ હાલતમાં છે. આ અંગે મેં એએઆઈ કક્ષાના અધિકારીને રજૂઆત કરી છતાં કોઈ પરિણામ આવ્યું ન હતું. છેલ્લે અધિકારીને નોટિસ આપી આપણે સંતોષ માણ્યો છે તે કેટલું વ્યાજબી? આજે પણ અમારા વિસ્તારમાં રોજ 10થી 12 જેટલી સ્ટ્રીટ લાઈટ અંગેની ફરિયાદો આવે છે.