લ્યો બોલો પાલિકાના નવસારી બજારમાં ચાજિંગ સ્ટેશન બન્યું પાર્ટી પ્લોટ, ભોજન સમારંભ યોજાયો

સુરત શહેરમાં પર્યાવરણની જાળવણી માટે સુરત પાલિકાએ ઈ વ્હીકલ પોલીસી બનાવી છે અને શહેરમાં પીપીપી ધોરણે  ચાર્જીંગ    સ્ટેશન પણ શરુ કર્યા છે. પરંતુ પાલિકા ચાર્જીંગ સ્ટેશન ની જાળવણીમાં નિષ્ફળ હોવાથી આ ચાર્જિંગ સ્ટેશન નોધારા બન્યા છે. તેમાં પણ નવસારી બજાર ગોપી તળાવ નજીક બનેલું ચાર્જીંગ સ્ટેશનને તો કેટલાક લોકોએ પાર્ટી પ્લોટ જેવા બનાવી ને ભોજન સમારંભ ગોઠવી દીધો હતો. આ જગ્યાએ ભોજન સમારંભ યોજાયા બાદચાર્જીંગ સ્ટેશન ની જાળવણી સામે પણ અનેક પ્રશ્નો ઉભા થયા છે. અને ચાર્જિંગ સ્ટેશનના આવા ઉપયોગના કારણે મોટો અકસ્માત થાય અને જાનહાની થાય તેવી ભીતિ વ્યક્ત થઈ રહી છે.