રણજીતનગરના ખેતરમાં દરોડો મોપેડની ડીકી, શોકેસ તેમજ પલંગમાં છુપાવેલો દારૃ મળ્યો

Jun 22, 2026 - 09:00

Join our WhatsApp Community to receive travel deals, free stays, and special offers!
- Join Now -

વડોદરા, તા.21 સાવલી તાલુકાના રણજીતનગરમાં પોલીસે દરોડો પાડી એક મકાનમાં તેમજ મોપેડમાં છુપાવેલો દારૃનો જથ્થો મળ્યો હતો જ્યારે બે સગા ભાઇ ફરાર થઇ ગયા છે.

પ્રાપ્ત માહિતી મુજબ રણજીતનગરમાં રહેતો પ્રદિપસિંહ ઉર્ફે ગોટીયો ગિરવતસિંહ પરમાર એક પીકઅપ ગાડીમાં દારૃનો જથ્થો લાવી તેને આ જથ્થો ખેતરમાં બનાવેલા નવા મકાનમાં સંતાડયો છે તેવી માહિતીના આધારે ભાદરવા પોલીસે ગઇ રાત્રે દરોડો પાડયો હતો. આ વખતે મકાનની આગળ ઊભેલા પ્રદિપસિંહ ઉર્ફે ગોટીયો અને તેનો ભાઇ ધર્મેન્દ્રસિંહ ઉર્ફે કાળીયો પોલીસને જોઇ ખેતરમાંથી નાસી ગયા હતાં.

પોલીસે તપાસ કરતા ઘરની બહાર મૂકેલા એક મોપેડની ડીકીમાંથી દારૃની બોટલો અને ટીન મળ્યા હતાં જ્યારે ઘરમાં તપાસ કરતાં ટીવીના શોકેસની નીચે અને પેટી પલંગમાં છુપાવેલો દારૃ મળ્યો હતો.