મહિલાની છેડતી કરી ઠપકો આપવા જતાં પતિ ઉપર ચાકુથી હુમલો

અમદાવાદ,સોમવાર પૂર્વ વિસ્તારમાં જાહેરમાં છેડતીના બનાવો વધતા મહિલાઓની સુરક્ષા જોખમાઈ રહી છે, શાહીબાગમાં ગિરધરનગર ખાતે પડોશી યુવક મહિલાના ઘર પાસે લાકડાનો દંડો સંતાડતો હતો જેથી મહિલાએ અહિયાં કેમ દંડો સંતાડો છે કહેતા ઉશ્કેરાઇને મહિલાને ગાળો બોલીને કપડાં પકડીને છેડતી કરી હતી. મહિલાએ પતિને વાત કરતાં પતિ ઠપકો આપવા જતાં આરોપીએ મહિલાના પતિને ચાકુના ઘા માર્યા હતા. આ બનાવ અંગે શાહીબાગ પોલીસે છેડતી સહીતની કલમ હેઠળ ગુનો નોંધી વધુ તપાસ હાથ ધરી છે.પડોશીએ મહિલાને ગાલો બોલી હાથ પકડી કપડા ખેંચી છેડતી કરી અને પતિને ચાકુના ઘા મારી આરોપી ભાગી ગયો ગિરધરનગર ખાતે રહેતી ૩૨ વર્ષની મહિલાએ શાહીબાગ પોલીસ સ્ટેશનમાં પડોશમાં રહેતા યુવક સામે ફરિયાદ નોંધાવી છે કે મહિલાના પતિ ખાનગી કંપનીમાં નોકરી કરીને પરિવારનું ગુજરાન ચલાવે છે ગઇકાલે પતિ નોકરી ગયા હતા અને મહિલા સંતાનો સાથે ઘરે હાજર હતી.