ગીર પંથકના પેટ્રોલ પંપમાં ડીઝલ ખુટી પડતા સંખ્યાબંધ પર્યટકો રઝળી પડયા

May 19, 2026 - 02:30

Join our WhatsApp Community to receive travel deals, free stays, and special offers!
- Join Now -

વેકેશનની મજા માણવા ગયેલા પ્રવાસીઓને ઇંધણ માટે રઝળપાટ : જૂનગાઢ અને સાસણના રૂટ ઉપર આવેલા તમામ પેટ્રોલ પંપોમાં ડીઝલની તંગી; પરિવાર સાથે નીકળેલા પ્રવાસીઓ પરેશાન

જૂનાગઢ, : હાલ રાજ્યભરમાં ઉનાળુ વેકેશનનો માહોલ જામ્યો છે,ત્યારે ઐતિહાસિક નગરી જૂનાગઢ અને એશિયાટિક લાયનનું ઘર ગણાતા વિશ્વપ્રસિધ્ધ સાસણ ગીરમાં મોટી સંખ્યામાં પર્યટકો પોતાના પરિવાર સાથે પ્રવાસે આવી રહ્યા છે. પરંતુ આ ઉત્સાહના માહોલ વચ્ચે પ્રવાસીઓ માટે એક મોટી આફત ઊભી થઈ છે. જૂનાગઢ શહેર અને તેની આસપાસના વિસ્તારોના મોટાભાગના પેટ્રોલ પંપ પર ડીઝલનો જથ્થો ખૂટી ગયો છે, અથવા તો અત્યંત મર્યાદિત માત્રામાં ડીઝલ આપવામાં આવી રહ્યું છે. જેના કારણે હજારો પ્રવાસીઓના જીવ અધ્ધર થઈ ગયા છે.