આંકલાવ પાલિકાના 2 વોર્ડ માટે 4 અપક્ષોની દાવેદારી : ઓડ અને બોરિયાવીમાં નિરસતા

- ઉમેદવારીપત્ર ભરવાના બીજા દિવસે ઓડ, બોરિયાવીમાં એક પણ ફોર્મ ન ભરાયું- આંકલાવ પાલિકાની ચૂંટણી માટે ભાજપના નિરીક્ષક સમક્ષ ૩૯ ઉમેદવારોએ દાવેદારી નોંધાવી : નિરીક્ષકો દ્વારા છેલ્લી ઘડીએ યાદી જાહેર કરાય તેવી શક્યતા આણંદ : આણંદ જિલ્લાની ત્રણ નગરપાલિકાઓની સામાન્ય ચૂંટણીઓ જાહેર કરવામાં આવી છે. આંકલાવ પાલિકાના છ વોર્ડની ૨૪ બેઠકો માટે ભાજપ નિરીક્ષક સમક્ષ ૩૯ ઉમેદવારોએ દાવેદારી નોંધાવી છે. આગામી શનિવારે ઉમેદવારી પત્રો ભરવાના અંતિમ દિવસે સમગ્ર સ્થિતિ સ્પષ્ટ થશે. બીજી તરફ  ઓડ અને બોરિયાવીમાં ઉમેદવારોમાં હજૂ નિરસતા જોવા મળી રહી છે.