વડોદરા કોર્પોરેશન દ્વારા મિલકતોની આકારણીનું ક્રોસ ચેકિંગ કરતા 21 લાખ આવક વધી

વડોદરા મ્યુનિસિપલ કોર્પોરેશન દ્વારા જનરલ ટેક્સ ની આવકના લક્ષ્યાંકને પહોંચી વળવા માટે  હાલ  કામગીરી વધારી દેવામાં  આવી છે. જેમાં મિલકતોની આકારણી માટે ક્રોસ ચેકિંગ કરવામાં આવ્યું છે. જેના લીધે 19 વોર્ડમાંથી 21 લાખની આવક વધી છે. કોર્પોરેશનના વર્તુળોના કહેવા મુજબ ક્રોસ ચેકિંગમાં રહેણાંક મિલકતનો ધંધાદારી મિલકત તરીકે ઉપયોગ થાય છે કે કેમ તે ચકાસવામાં આવે છે. આ માટે શહેરના તમામ 19 વોર્ડમાં ઝુંબેશ રાખવામાં આવી હતી, અને 40 કર્મચારીઓની 20 ટીમ બનાવી હતી. જેણે આ ચેકિંગ કર્યું હતું.