મુજમહુડા પાસે ભુવો પડતા કચરાની ગાડી સાથે શખ્સ અંદર ખાબક્યો

 વડોદરા,મુજમહુડા પાસે ત્રણ મહિના પહેલા  પડેલા ભુવાને કોર્પોરેશનના તંત્રએ પૂરી દીધો હતો. પરંતુ, આજે સાંજે ફરીથી તે જ જગ્યાએ ભુવો પડતા કચરાની ગાડી અંદર ઉતરી ગઇ હતી. ગાડીમાં કચરો નાંખવા ગયેલા  ફ્રૂટ જ્યુસની લારીવાળો ભુવામાં પડી જતા તેેને ખાનગી હોસ્પિટલમાં સારવાર માટે લઇ જવામાં આવ્યો હતો.ગાડીના ડ્રાઇવર અને ક્લિનરને ઇજા થઇ હોવાનું જાણવા મળ્યું છે.આ વર્ષે પડેલા ભારે વરસાદે શહેરમાં ત્રણ વખત ઠેર - ઠેર પાણી ભરાઇ ગયા હતા અને  પૂરની સ્થિતિ સર્જાઇ હતી. જેના કારણે જાહેર માર્ગો પર ભુવા પડવાનો સિલસિલો શરૃ થયો હતો.