તરસાલીમાં દારૃ પીને ઝઘડો કરતા આઠ યુવકો ઝડપાયા

વડોદરા,તરસાલીમાં દારૃ પીને ધમાલ કરતા આઠ વ્યક્તિઓેને મકરપુરા પોલીસ પકડી લાવી હતી. તમામ આરોપીઓ સામે પોલીસે ગુનો દાખલ કરી કાયદેસરની કાર્યવાહી હાથ ધરી છે.પોલીસ કંટ્રોલ રૃમમાં ગઇકાલે રાતે કોલ કરીને એક નાગરિકે જાણ કરી હતી કે, તરસાલી ગુરૃદ્વારા પાસે વ્રજધારા સોસાયટીની પાછળ કેટલાક લોકો દારૃ પીને ઝઘડો કરે છે. જેથી, મકરપુરા પોલીસ સ્ટેશનનો સ્ટાફ ઘટના સ્થળે દોડી ગયો હતો.પોલીસ સ્થળ પરથી આઠ નશેબાજોને પકડીને પોલીસ સ્ટેશન લઇ આવ્યા હતા. પોલીસે આઠેય નશેબાજો સામે પ્રોહિબીશનનો ગુનો દાખલ કરી કાયદેસરની કાર્યવાહી  હાથ ધરી છે.