કાલાવડના હરિપર મેવાસા ગામે ફાયરિંગઃ ખેડૂત પરિવારના સભ્યો સહિત 7 ઘાયલ

- ફટાકડા ફોડવાના પ્રશ્ને પાડોશી શખ્સોનો હુમલો- ડબલ બેરલ બંદૂકમાંથી ફાયરિંગ કરી, પથ્થરના ઘા તથા છરી વડે ઝપાઝપી કરનાર 4 શખ્સો સામે ફરિયાદજામનગર : કાલાવડ તાલુકાના હરીપર મેવાસા ગામમાં રહેતા અને ખેતી કામ કરતા એક ખેડૂત પરિવારના સભ્યો પર ફટાકડા ફોડવાના તકરાર કરીને પાડોશી  આરોપીઓએ ડબલ બેરલ વાળી બંદૂકમાંથી ફાયરિંગ કરી, છરી વડે તેમજ પથ્થર વડે હુમલો કરતા  ખેડૂત પરિવારના સભ્યો સહિત સાતને ઇજા થતા તમામ ઈજાગ્રસ્તોને સારવાર માટે જામનગરની સરકારી જી.જી. હોસ્પિટલમાં ખસેડવામાં આવ્યા છે.બનાવ અંગે ચાર શખ્સો સામે ફરિયાદ નોંધાવાઇ છે.