Vadodara News : વડોદરામાં નશાખોર કારચાલકનું કારસ્તાન, બાપનો રોડ હોય તેમ કાર ચલાવતા લોકો ગભરાયા

વડોદરામાં નશાખોર કારચાલકનું કારસ્તાન સામે આવ્યું છે જેમાં નશાની હાલતમાં રોડ પર ચલાવી ફૂલસ્પીડમાં કાર અને લોકોના જીવ જોખમમાં મૂકી દીધા હતા, અલકાપુરી વિસ્તારમાં ફૂલ સ્પીડમાં ચલાવી કાર તો અન્ય રાહદારીઓએ કાર ચાલકનો પીછો કર્યો હતા અને પોલીસ કમિશનરના બંગલા બહાર કારચાલકને ઝડપી પાડયો હતો, કારચાલકને ઝડપી પોલીસને હવાલે કરાયો છે.

અકોટા પોલીસ ઘટનાસ્થળે દોડી હતી

વડોદરાના અલકાપુરી વિસ્તારમાં ગઈકાલે એક વીડિયો વાયરલ થયો હતો અને તેમાં એક કારચાલક નશાની હાલતમાં કાર ચલાવી રહ્યો હતો. સ્થાનિકોને આ વાતની જાણ થતા તેને ઝડપ્યો હતો અને તે જે રીતે કાર ચલાવતો હતો તે રીતે જોઈને સ્થાનિકો પણ સમજી ગયા હતા કે પાર્ટી મોજમાં છે, ત્યારે પોલીસને આ મામલે જાણ કરવામાં આવી હતી, મહત્વનું છે કે, પોલીસ કમિશનરના બંગ્લા નજીક જ આ રીતે કાર ચલાવી હતી, અને કારને ડિવાઈડર સાથે અથડાવી હતી.

સ્થાનિકો સાથે પણ કારચાલકે ઝઘડો કર્યો

સ્થાનિકોએ કારચાલકને બહાર કાઢવાનો પ્રયત્ન કર્યો પણ કાર ચાલક બહાર પણ નીકળી શકતો ન હતો કેમકે તે દારૂના નશામાં ચકચૂર હતો, મહત્વની વાત તો એ છે કે, આ ઘટનામાં કોઈ જાનહાની થઈ નથી, પરંતુ રોડ પર વાહન ચલાવતા લોકો ડરી ગયા હતા, આ તો ખુલ્લો રોડ હતો તો સારૂ થયું કે કોઈને કોઈ ઈજા ના થઈ નહીતર જો સિગ્નલ બંધ હોત તો ઘણા લોકોને ઈજા થઈ હોત, અકોટા પોલીસે કારચાલક સામે પ્રોહીબિશનનો ગુનો નોંધ્યો હતો અને જેલના હવાલે કર્યો હતો.