Summerની શરુઆત પહેલા જ લીંબુના ભાવે ફટકારી સદી, ગૃહિણીઓનું ખોરવાયું બજેટ

અમદાવાદમાં લીંબુના ભાવે સદી ફટકારી છે જેના કારણે ગૃહિણીઓનું બજેટ ખોરવાયું છે,શિયાળામાં 40-50 રૂપિયે મળતા લીંબુ 100 રૂપિયાને પાર પહોંચી ગયા છે.ઉનાળામાં લીંબુનો ભાવ હજુ પણ વધવાની સંભાવના દેખાઈ રહી છે,ત્યારે લીંબુની માંગને જોતા ભાવ રુપિયા 200-300 થઈ શકે તેવી પણ શકયતાઓ દેખાઈ રહી છે,ત્યારે ગૃહિણીઓનું વધુ એક વખત બજેટમાં ખોરવાઈ ગયું છે. લીંબુના ભાવમાં વધારો લીંબુના ભાવમાં વધારો થયો છે,જેને લઈ ગૃહિણીઓનું બજેટ ખોરવાયું છે,મહત્વનું છે કે,માગ વધુ અને આવક ઓછી હોવાથી ભાવમાં વધારો થયો હોવાની વાત સામે આવી છે વેપારીઓનું માનીએ તો તેમનું કહેવું છે કે,બહારથી લીંબુ જે આવે છે તે હાલમાં આવી રહ્યાં નથી અને ગુજરાતમાંથી જે લીંબુ આવે છે તેની આવક ઓછી છે એટલે તેના કારણે ભાવમાં વધારો જોવા મળ્યો છે,હાલમાં લીંબુના ભાવમાં ઘટાડો નોંધાય તેવું કયાંય લાગી રહ્યું નથી. ઉનાળાની શરૂઆત પેહલા જ લીંબુના ભાવમાં વધારો હજી તો ઉનાળાની પ્રોપર શરૂઆત પણ નથી થઈ અને તે પહેલા લીંબુના ભાવમાં વધારો જોવા મળ્યો છે,ત્યારે હાલમાં લીંબુના ભાવની વાત કરવામાં આવે તો પહેલા લીંબુ 40-50 રૂપિયા મળતા હતા તે હવે રૂપિયા 100ને પાર થઈ ગયા છે.લીંબુની માંગને લઈ વાત કરવામાં આવે તો લીંબુ એ દરેક ગૃહિણીઓ ખરીદતી હોય છે એટલે કે હવે જયારે ઉનાળો શરૂ થશે ત્યારે લીંબુના ભાવ રૂપિયા 200-300 સુધી જઈ શકે છે તેવું વેપારીઓનું માનવું છે.