Rajkot News: જેલમાં કેવી રીતે રહેવું તેના યૂટ્યૂબ પર વીડિયો જોયા, રૂપિયા માટે સગા નાનાનું ઢીમ ઢાળી દીધું

રાજકોટમાં એક વૃદ્ધની ઘાતકી હત્યાની ઘટનાથી સનસનાટી મચી જવા પામી હતી. રૈયાધાર શાંતિનગરમાં રહેતા વૃદ્ધની અજાણ્યા શખ્સોએ હત્યા કરી હોવાનો બનાવ સામે આવ્યો હતો.સમગ્ર મામલે પોલીસ હત્યારાને શોધવા તજવીજ હાથ ધરી હતી. પોલીસની તપાસમાં આ હત્યા વૃદ્ધના સગા ભાણીયાએ કરી હોવાનું સામે આવ્યું છે. વૃદ્ધની હત્યામાં ચોંકવનારો ખુલાસો થયો છે. સગા ભાણેજે વ્યાજ ભરવા માટે નાનાની હત્યા કરી નાંખી હતી. પોલીસ હત્યારા ભાણેજને ઝડપી વધુ તપાસ હાથ ધરી છે.

યૂટ્યૂબ પર ક્રાઈમ વેબ સિરીઝ અને પિક્ચર જોતો

રાજકોટમાં વૃદ્ધની હત્યાના કેસમાં ચોંકાવનારો ખુલાસો થયો છે. આરોપી ભાણેજ અગાઉ જુગારમાં ચાર લાખ રૂપિયા હારી ગયો હતો. આ ચાર લાખ રૂપિયાનું વ્યાજ ભરવા માટે તેણે તેના નાનાની હત્યા કરી નાંખી હોવાનો ખુલાસો થયો છે. તેણે બોથડ પદાર્થના ઘા મારીને તેના નાનાની હત્યા કરી હતી. ત્યાર બાદ તેમને પેટ્રોલ છાંટીને સળગાવી દીધા હતાં. આરોપી ભાણેજ હત્યા કેવી રીતે કરવી તે માટે યૂટ્યૂબ પર ક્રાઈમ વેબ સિરીઝ અને પિક્ચર જોતો હતો.

મૃતક વ્યાજે પૈસાની લેવડ દેવડ કરતા

આરોપી ભાણેજ અગાઉ સોલા પોલીસ સ્ટેશનમાં ઘરફોડ ચોરીનો ગુનો નોંધાઈ ચૂક્યો છે. પોલીસે આ મામલામાં તપાસ કરતા જાણવા મળ્યું કે શાંતિનગર વૃદ્ધની હત્યા થઈ તે પહેલા જ મૃતકના પત્ની અને પુત્રનું અગાઉ જ મોત થયું હતું. તેમજ મૃતક વ્યાજે પૈસાની લેવડ દેવડ કરતા હોવાનું જાણવા મળ્યું હતું. જેથી પોલીસને શંકા થઈ હતી કે પૈસાની લેતી-દેતી મામલે અજાણ્યા શખ્સ દ્વારા વૃદ્ધની હત્યા કરવામાં આવી હોઈ શકે છે. પોલીસે શંકાના આધારે ભાણેજની પુછપરછ કરતાં તે ભાંગી પડ્યો હતો. તેણે પોલીસ સમક્ષ હત્યા કેવી રીતે કરી તે જણાવ્યું હતું.