Patan: શહેરના યશધામ ફ્લેટમાંથી જુગાર રમતા 6 શકુનિઓ ઝડપાયા

જુગારીઓનો પ્ર્રિય એવો શ્રાવણ માસ જેમ જેમ નજીક આવી રહ્યો છે તેમ તેમ પાટણ જીલ્લામાં શકુનીઓ પણ જુગાર રમવા અધીરા બન્યા છે અને પોલીસની ઝપટે પણ ચડી રહ્યાં છે. પાટણ લોકલ ક્રાઈમ બ્રાન્ચે શહેરમાં યશ ધામ ફ્લેટમાં રહેણાંક મકાનમાં જુગાર રમતા 6 શખ્સોને બાતમીના આધારે ઝડપી લીધા છે પોલીસે રોકડ રકમ સહિત 4 મોબાઈલ ફોન તથા 3 બાઇક કબજે કરી ગુનો નોંધ્યો છે. પાટણ શહેરમાં લોકલ ક્રાઈમ બ્રાન્ચ પીઆઈ રાકેશ ઉનાગરની ટીમ પેટ્રોલિંગમાં હતી તે દરમિયાન બાતમી મળી હતી કે ત્રિવેદી નિલેશભાઈ ચંદ્રકાંતભાઈ તેના પાટણ ખાતે આવેલ યશ ધામ ફ્લેટમાં રહેણાંક મકાનમાં કેટલાક માણસો બોલાવી જુગાર રમાડી રહ્યો હોવાની માહિતીને આધારે પોલીસે રેડ કરતા મકાનમાં જુગાર રમતા ત્રિવેદી નિલેશભાઈ ચંદ્રકાંતભાઈ, દવે રાજેશ લલીતકુમાર, દવે કીરણ લલીતભાઈ, દરજી કરણ રાજુભાઈ, રાજગોર હર્ષ સુર્યકાંત અને દરજી અમીત મનસુખભાઈને પોલીસે રોકડ રકમ રૂપિયા 20,300 તથા મોબાઇલ નંગ 4 અને બાઇક નંગ 3 મળી કુલ મુદામાલ રૂપિયા 67,300 સાથે ઝડપી પાટણ બી ડિવિઝન પોલીસ મથકે જુગાર ધારાની કલમ હેઠળ ગુનો નોંધ્યો છે.