Kodinarના ઘાંટવડ ગામે ભારે પવન સાથે વરસાદનું તાંડવ: મકાન અને પેટ્રોલ પંપ ક્ષતિગ્રસ્ત થતા તારાજીના દૃશ્યો!
Join our WhatsApp Community to receive travel deals, free stays, and special offers!
- Join Now -
Join our WhatsApp Community to receive travel deals, free stays, and special offers!
- Join Now -
ગીર સોમનાથ જિલ્લાના કોડીનાર પંથકમાં હવામાનમાં અચાનક પલટો આવતા કુદરતી આફત જેવી સ્થિતિ સર્જાઈ હતી. ઘાંટવડ ગામ અને તેની આસપાસના વિસ્તારમાં ગાજવીજ સાથે ધોધમાર વરસાદ ખાબક્યો હતો. વરસાદની સાથોસાથ ફૂંકાયેલા અત્યંત ભારે પવનના કારણે સમગ્ર પંથકમાં તારાજીનાં દૃશ્યો સામે આવ્યા છે. અચાનક ત્રાટકેલા આ ભારે પવન અને વરસાદને કારણે ખેડૂતો અને સ્થાનિક રહેવાસીઓમાં ભારે ચિંતા અને ફફડાટ વ્યાપી ગયો છે.
વાડી વિસ્તારમાં ખેડૂતનાં મકાનના છાપરા ઉડી ગયા
આ વાવાઝોડા જેવા ભારે પવનના પ્રકોપના કારણે વાડી વિસ્તારમાં રહેતા એક ખેડૂતની મુશ્કેલીઓ વધી ગઈ છે. ભારે પવનના જોરને કારણે ખેડૂતનાં મકાન ઉપર નાખવામાં આવેલા તમામ છાપરાં હવાના સુસવાટા સાથે ઉડી ગયા હતા, જેના કારણે ઘરવખરી અને મકાનને વ્યાપક નુકસાન થયું છે. આ ઉપરાંત, ઘાંટવડ ગામના ફાટક નજીક આવેલા પેટ્રોલ પંપને પણ આ ભારે પવનના કારણે નોંધપાત્ર નુકસાન પહોંચ્યું હોવાના અહેવાલ છે.

ખેડૂતો અને ગ્રામજનોમાં ચિંતાનું મોજું
અવકાશી આફત જેવા આ અચાનક વરસાદ અને પવનથી થયેલા નુકસાનને કારણે ખેડૂતોના ઉભા પાક તેમજ સંપત્તિને ભારે ક્ષતિ પહોંચી છે. સ્થાનિક તંત્ર દ્વારા આ બાબતે નુકસાનનો અંદાજ મેળવવાની અને પ્રભાવિત લોકોને સહાય પૂરી પાડવાની માંગ ઉઠી છે.
ગુજરાતના વધુ સમાચાર વાંચવા માટે ક્લિક કરો
What's Your Reaction?
Like
0
Dislike
0
Love
0
Funny
0
Angry
0
Sad
0
Wow
0

