Kheda News: પાણી વગર પાક કેવી રીતે બચાવવો? કેનાલો ખાલી રહેતા અન્નદાતાઓની વેદના વધી!
Join our WhatsApp Community to receive travel deals, free stays, and special offers!
- Join Now -
Join our WhatsApp Community to receive travel deals, free stays, and special offers!
- Join Now -
ગુજરાતના હરિયાળા ગણાતા ચરોતર પ્રદેશમાં આ વર્ષે રવિ સિઝનની શરૂઆત સાથે જ ખેડૂતો સામે મોટું સંકટ ઊભું થયું છે. ખેડા જિલ્લાના ઠાસરા, ગળતેશ્વર અને નડિયાદ સહિતના વિસ્તારોમાં સિંચાઈ માટેનું પાણી સમયસર અને પૂરતા પ્રમાણમાં નહીં મળવાને કારણે અન્નદાતાઓની ચિંતામાં ભારે વધારો થયો છે. કેનાલોમાં પાણીની ઓછી આવક અથવા બિલકુલ પાણી ન છોડવાની જાહેરાતના કારણે ખેતરોમાં ઊભેલા પાકને લઈને ખેડૂતો ચિંતિત બન્યા છે.
કયા પાકો પર તોળાઈ રહ્યું છે મોટું જોખમ?
પ્રાપ્ત માહિતી અનુસાર, કેનાલો સૂકી ભટ્ટ રહેવાને કારણે આ વિસ્તારમાં મુખ્યત્વે તમાકુ, ડાંગર, ઘઉં, એરંડા અને વિવિધ શાકભાજીના પાકને વ્યાપક નુકસાન થવાની પૂરેપૂરી ભીતિ સેવાઈ રહી છે. ખેડૂતોએ ભારે મહેનત અને મોંઘા ખાતર-બિયારણના ખર્ચે પાકનું વાવેતર કર્યું હતું, પરંતુ સિંચાઈના પાણીના અભાવે હવે આ મહેનત પાણીમાં જતી દેખાઈ રહી છે.

કૂવા અને બોરવેલના સહારે પાકને જીવતદાન આપવાની મથામણ
સરકારી કેનાલોમાંથી પાણી ન મળતાં રોષે ભરાયેલા અને લાચાર બનેલા ખેડૂતો પોતાના પાકને બચાવવા માટે આસપાસના ખાનગી કૂવાઓ અને બોરવેલમાંથી ભારે મુશ્કેલીથી પાણી મેળવી રહ્યા છે. રાત-દિવસ એક કરીને ખેડૂતો પોતાના મહામૂલા પાકને જીવતદાન આપવા માટે ભારે જહેમત ઉઠાવી રહ્યા છે, જેના કારણે ખેડૂતોના વીજળી અને ડીઝલના ખર્ચમાં પણ નોંધપાત્ર વધારો થઈ રહ્યો છે.

ખેડૂતોની સરકાર સમક્ષ ઉગ્ર માગ અને ભવિષ્યનો સવાલ
આ ગંભીર પરિસ્થિતિને ધ્યાનમાં રાખીને ખેડૂતો અને વિવિધ કિસાન સંસ્થાઓ દ્વારા સરકાર અને સિંચાઈ વિભાગ સમક્ષ ઉગ્ર માગ કરવામાં આવી છે કે, તાત્કાલિક ધોરણે રવિ સિઝન માટે કેનાલોમાં પૂરતું પાણી છોડવામાં આવે. ખેડૂતો હવે એક જ ગંભીર સવાલ પૂછી રહ્યા છે કે, જો સમયસર પાણી નહીં મળે, તો અમે અમારો રવિ પાક કેવી રીતે બચાવશું? તંત્ર દ્વારા આ મામલે વહેલી તકે યોગ્ય પગલાં નહીં ભરાય તો ખેડૂતોને આર્થિક નુકસાનનો સામનો કરવો પડી શકે છે.
આ પણ વાંચો: Kheda News: ડાકોર મંદિરમાં VIP કલ્ચરનો વિરોધ, મોરારી બાપુ માટે ખાસ દર્શન વ્યવસ્થા સામે રોષ
What's Your Reaction?
Like
0
Dislike
0
Love
0
Funny
0
Angry
0
Sad
0
Wow
0

