ICG હેલિકોપ્ટર ક્રેશમાં શહીદ થયેલા જવાનોના સન્માન સાથે અંતિમ સંસ્કાર

ભારતીય કોસ્ટગાર્ડના ALH MK3 હેલિકોપ્ટર ફ્રેમ નંબર સીજી 863 2 સપ્ટેમ્બરે 11.15 વાગ્યે મોટર ટેન્કર હરિલીલાથી ગંભીર રીતે ઘાયલ ચાલક દળના સભ્યને મેડિકલ ઈમરજન્સી માટે ઉડાન ભર્યા બાદ દરમિયાન દરિયામાં ડૂબી ગયુ હતું. કોસ્ટગાર્ડના આ હેલિકોપ્ટરમાં દરિયામાં મિશન માટે 2 પાયલટ અને 2 એર ક્રૂ ડ્રાઈવર હતા.1 પાયલટને દરિયામાંથી બચાવી લેવામાં આવ્યો હતો દુર્ઘટના બાદ ભારતીય કોસ્ટગાર્ડે પાયલટ અને ક્રૂ ડ્રાઈવર અને હેલિકોપ્ટરની તાત્કાલિક શોધખોળ શરૂ કરી અને 1 પાયલટને દરિયામાંથી બચાવી લીધો હતો. જ્યારે 2 લોકોએ પોતાના જીવ ગુમાવ્યા હતા. તપાસ માટે ICG ALH હેલિકોપ્ટરનું ફ્યુઝલેજ પણ રિકવર કરવામાં આવી રહ્યું છે. પાર્થિવ દેહના સન્માન સાથે અંતિમ સંસ્કાર કરાયા આ દરમિયાન કમાન્ડન્ટ (જેજી) વિપિન બાબૂ અને કરણસિંહના પાર્થિવ દેહ સમુદ્રમાંથી મળી આવ્યા હતા અને આજે તમામ વિધિ અને સન્માન સાથે તેમના પાર્થિવ દેહના અંતિમ સંસ્કાર કરવામાં આવ્યા છે. અન્ય 1 પાયલટ કમાન્ડન્ટ રાકેશ કુમાર રાણાની શોધખોળ યથાવત ત્યારે હાલમાં અન્ય 1 પાયલટ કમાન્ડન્ટ રાકેશ કુમાર રાણાની શોધખોળ તેજ કરવામાં આવી છે. જે મિશનના પાયલટ ઈન કમાન્ડ હતા. દુર્ઘટના બાદથી જ ભારતીય કોસ્ટ ગાર્ડના વિમાન અને વાયુસેના શોધખોળમાં લાગેલી છે અને ભારતીય નૌકાદળ અને અન્ય મેરીટાઈમ સેક્ટરના હિતધારકોના સંસાધનો વડે પ્રયત્નોને વધારવામાં આવ્યા છે.