Gujaratમાં "ફૂલ ગુલાબી" ઠંડીનો અહેસાસ, સ્વેટર પહેરવાની પડશે જરૂર

રાજયભરમાં ગુલાબી ઠંડીનો અહેસાસ શરૂ થઈ ગયો છે,જેમાં આગામી દિવસોમાં ઠંડીનું જોર વધશે સાથે સાથે લઘુતમ તાપમાનમાં 2 થી 3 ડિગ્રીનો ઘટાડો થશે તો ઉત્તર-પશ્ચિમના પવનોની દિશા બદલાતા ઠંડી વધશે મહત્વનું છે કે,રાજ્યના અનેક જિલ્લામાં તાપમાનનો પારો ગગડ્યો છે.નલિયા 15 ડિગ્રી લઘુતમ તાપમાન સાથે ઠંડુગાર શહેર બન્યું છે. જાણો કયાં કેટલું તાપમાન નોંધાયું ગુજરાતમાં હાલ ઠંડીએ ધીરે ધીરે જોર પકડયું છે ત્યારે અમદાવાદમાં લઘુતમ તાપમાન 17.2 ડિગ્રી,ગાંધીનગરમાં 16.01 ડિગ્રી લઘુતમ તાપમાન નોંધાયું છે તો પાલનપુરમાં 16 ડિગ્રી, ડીસામાં 17 ડિગ્રી લઘુતમ તાપમાન,રાજકોટમાં 18.4 ડિગ્રી, ભાવનગરમાં 19.3 ડિગ્રી,સુરતમાં 20.7 ડિગ્રી, વડોદરામાં 17.1 ડિગ્રી લઘુતમ તાપમાન નોંધાયું છે.જ્યારે રાજ્યમાં મહત્તમ તાપમાન 32 થી 35 ડિગ્રી કેટલાક જિલ્લાઓમાં રહેશે તેવી આગાહી હવામાન વિભાગ દ્રારા કરવામાં આવી છે. પશ્ચિમી વિક્ષોભ મજબૂત નથી આજે વધુ એક પશ્ચિમી વિક્ષોભ ઉત્તરના પહાડો પર ત્રાટકશે. આ વખતે હજુ સુધી કોઈ મજબૂત પશ્ચિમી વિક્ષોભ આવ્યું નથી. આવી સ્થિતિમાં, તાપમાન તેના સ્તર પર રહે છે, જે ઠંડીના આગમનને અટકાવે છે. અગાઉના વર્ષોમાં 15 નવેમ્બર પહેલા પશ્ચિમી વિક્ષોભ બે-ત્રણ વખત આવતો હતો અને તાપમાનમાં ઘટાડો થતો હતો.બંગાળની ખાડીમાંથી સર્જાયેલા ઓછા દબાણને કારણે આંધ્રપ્રદેશથી તેલંગાણા તરફ ભેજનો પ્રવાહ ચાલુ છે. તેની અસર ઓડિશા અને છત્તીસગઢમાં પણ જોવા મળી શકે છે. અમદાવાદમાં વહેલી સવારે ઠંડીનો ચમકારો રાજ્યમાં ઘટતા તાપમાનની સાથે અમદાવાદ શહેરમાં પણ તાપમાન નીચું જઈ રહ્યું છે. અને વાતાવરણમાં ઠંડક પ્રસરી છે. જોકે, બપોરના સમયે હજી પણ ગરમીનો અહેસાસ થઈ રહ્યો છે. જોકે, એકંદરે તાપમાનમાં ઠંડક પ્રસરતા લોકોને ગરમીમાંથી નજીવી રાહત મળી છે. અમદાવાદ શહેરમાં વહેલી સવારે અને મોડી સાંજે ઠંડીનો ચમકારો વર્તાવવા લાગ્યો છે. ઘઉંના પાક માટે તાપમાન હાલ સાનુકૂળ નહીં : અંબાલાલ પટેલ અંબાલાલ પટેલનું વધુમાં કહેવું છે કે,23 નવેમ્બર બાદ ઉત્તરીય પર્વતીય પ્રદેશમાં હિમવર્ષા થશે અને હિમવર્ષાના કારણે ગુજરાતમાં ઠંડીની લહેર આવશે તો માર્ચ સુધી હવામાનમાં પલટા આવ્યા કરશે તો માર્ચ એપ્રિલ સુધી માવઠા આવી શકે તેવી પણ શકયતાઓ દેખાઈ રહી છે.ઘઉંના પાક માટે તાપમાન હાલ સાનુકૂળ નથી તો હાલ વાવણી થાય તો જીરા, દિવેલામાં ગરમીના કારણે ઉત્પાદન ઘટી શકે છે.બંગાળ ઉપસાગરમાં 20 થી 25 નવેમ્બર ડિપ ડિપ્રેશન બનશે અને તેના કારણે ચક્રવાત આવવાની પણ શકયતાઓ દેખાઈ રહી છે.