Godhra:પ્રથમ નોરતે વિવિધ યુવાઓ ઉત્સાહભેર ગરબે ઘૂમ્યા

ગોધરા શહેરના આજથી આસો નવરાત્રિનો પ્રારંભ થયો હતો, પ્રથમ નોરતે માઈ મંદિરોમાં દર્શન માટે ભક્તોની ભારે ભીડ જોવા મળી હતી. પૌરાણિક મહાકાળી મંદિરે માતાજીને આકર્ષક અને ભવ્ય સાજ શણગાર કરવામાં આવ્યા હતાં.જ્યારે શહેરમાં વિવિધ સ્થળોએ ગરબાના પણ આયોજન કરાયા છે, જ્યાં પ્રથમ નોરતે યુવાઓ ગરબે ઘુમતા જોવા મળ્યા હતાં.

આસો નવરાત્રિના પ્રથમ નોરતે ઠેર ઠેર ઘટ સ્થાપન, કળશ પૂજન સાથે માતાજીની સ્થાપના કરવામાં આવી હતી. નવરાત્રિના નવ દિવસ ઠેર ઠેર નવચંડી યજ્ઞ, પૂજા પાઠ, ભંડારા અને માતાજીની આરતીઓ ઉતારી માઈ ભક્તો નવલી નવરાત્રીની ભવ્ય ઉજવણી કરશે.ગોધરા શહેરમાં અનેક સ્થળોએ આ વર્ષે નવલી નવરાત્રીના ગરબાનું મોટાપાયે આયોજન થવા સાથે નાના શેરી ગરબા પણ આકર્ષણનું કેન્દ્ર બનશે. ગરબા આયોજકો ધ્વારા ગરબા રસિકોને આકર્ષકવા માટે આકર્ષક ગરબા ગ્રાઉન્ડ,હેવી સરાઉન્ડ સીસ્ટમ,આકર્ષિત લાઈટિંગ સાથે ખાનગી પાર્ટી પ્લોટો પણ તૈયાર કરવામાં આવ્યા છે. ગોધરામાં આ વર્ષે પોલીસ હેડ ક્વાટર, મોતીબાગ, ચંદન બાગ, ઉડાન ગ્રુપના પંચમ ગરબા, રમઝટ ગરબા, માઁ શક્તિ ગરબા, કુમકુમ ગરબા, સ્વામિનારાયણ સ્કૂલ જાફરાબાદ સહિત 12 જગ્યાએ મોટા ગરબાનું ભવ્ય આયોજન કરવામાં આવ્યું છે. ગરબા આયોજકો ધ્વારા ગરબાના ખલૈયાઓને આકર્ષવા માટે આકર્ષક ગરબા ગ્રાઉન્ડ, હેવી સરાઉન્ડ સીસ્ટમ, આકર્ષિત લાઈટિંગ સાથેના ગરબા ગ્રાઉન્ડ તૈયાર કરાયા છે. શહેરમાં એક ગોધરા શ્રેષ્ઠ ગોધરા, શેરી ગરબા સંવર્ધન સમિતિ ધ્વારા મારી દિકરી મારી આંખ સામે તે સૂત્ર સાથે ગરબા યોજાયા છે.