Borsad News: રાસ ગામમાં વીજ કામગીરી દરમિયાન કેમિકલ ભરેલા બેરલમા બ્લાસ્ટ થયો, એક બાળક સહિત ચાર લોકો દાઝ્યા

આણંદના બોરસદમાં કેમિકલ બ્લાસ્ટની ઘટના સામે આવી છે. બોરસદના રાસ ગામે કેમિકલ બ્લાસ્ટ થતાં ચાર લોકો દાઝી ગયાં છે. એક બાળક પણ ગંભીર રીતે દાઝી ગયો છે. વીજ કામગીરી દરમિયાન બ્લાસ્ટ થયો હતો. રસાયણ ભરેલા પીપમાં બ્લાસ્ટ થયો હતો.ત્રણ શ્રમિક અને એક બાળક દાઝયા હોવાથી તેમને સારવાર અર્થે ખસેડવામાં આવ્યા છે.

રાસ ગામે કેમિકલ બ્લાસ્ટમાં 4 દાઝ્યા

પ્રાપ્ત વિગતો પ્રમાણે આણંદના બોરસદમાં રાસ ગામના વાડીયાપુરામાં વીજ કામગીરી દરમિયાન રસાયણ ભરેલા પીપમાં બ્લાસ્ટ થયો હતો. જેમાં એક બાળક સહિત ત્રણ શ્રમિકો ગંભીર રીતે દાઝી ગયા હતાં. બ્લાસ્ટ થતા જ અફરાતફરી મચી જવા પામી હતી. બ્લાસ્ટમા દાઝી ગયેલા લોકોને તાત્કાલિક સારવાર અર્થે હોસ્પિટલ ખસેડવામાં આવ્યા છે.

ઇજાગ્રસ્તોને સારવાર અર્થે ખસેડાયા

રાસ ગામના વાડીયાપુરામાં વીજ કામગીરી થઈ હતી. આ દરમિયાન રસાયણ ભરેલા એક પીપમાં અચાનક બ્લાસ્ટ થયો હતો. બ્લાસ્ટ એટલો જોરદાર હતો કે, આસપાસના લોકોના જીવ તાળવે ચોંટી ગયા હતાં. લોકોમાં અફરાતફરી મચી જવા પામી હતી. કેમિકલ ભરેલા પીપમાં બ્લાસ્ટ થતાં તેનો જબરદસ્ત અવાજ આવ્યો હતો. આ અવાજના કારણે લોકો ઘટના સ્થળે દોડી આવ્યા હતાં.