Ahmedabad : લગ્નની લાલચ આપી મહિલા પર દુષ્કર્મ ગુજાર્યું, અલગ-અલગ રોકાણના બહાને 18 લાખ પણ પડાવ્યા

અમદાવાદ શહેરના નરોડા વિસ્તારમાં એક મહિલા સાથે પ્રેમજાળમાં ફસાવીને શારીરિક શોષણ અને આર્થિક છેતરપિંડી આચરવાનો કિસ્સો પ્રકાશમાં આવ્યો છે. આરોપીએ મહિલાને લગ્નના વાયદા કરી તેની સાથે દુષ્કર્મ ગુજાર્યું હોવાની અને ત્યારબાદ લાખો રૂપિયા પડાવી લીધા હોવાની ફરિયાદ નોંધાતા પોલીસ એક્શનમાં આવી છે.

સમગ્ર ઘટનાની વિગત

મળતી માહિતી મુજબ, ભોગ બનનાર મહિલાનો સંપર્ક બ્રિજેશ પટેલ નામના યુવક સાથે થયો હતો. બ્રિજેશે મહિલાને લગ્ન કરવાની લાલચ આપી વિશ્વાસમાં લીધી હતી. આ વિશ્વાસનો ગેરલાભ ઉઠાવી આરોપીએ મહિલા સાથે વારંવાર શારીરિક સંબંધો બાંધ્યા હતા. માત્ર શારીરિક શોષણ જ નહીં, પણ આરોપીએ મહિલાની મિલકત અને બચત પર પણ નજર બગાડી હતી.

આર્થિક છેતરપિંડી

લગ્નના વાયદા બાદ બ્રિજેશે મહિલાને અલગ-અલગ સ્કીમો અને ધંધાકીય રોકાણના બહાને વિશ્વાસમાં લીધી હતી. તેણે મહિલા પાસેથી ટુકડે-ટુકડે કુલ ₹18 લાખ જેટલી માતબર રકમ પડાવી લીધી હતી. જ્યારે મહિલાએ લગ્ન માટે દબાણ કર્યું અથવા પૈસા પરત માંગ્યા, ત્યારે આરોપીએ અસલી રુપ બતાવ્યું હતું. છેવટે છેતરાયા હોવાનો અહેસાસ થતા મહિલાએ નરોડા પોલીસ સ્ટેશનના દ્વાર ખટખટાવ્યા હતા. પોલીસ કાર્યવાહી

નરોડા પોલીસે મહિલાની ફરિયાદના આધારે બ્રિજેશ પટેલ વિરુદ્ધ દુષ્કર્મ અને છેતરપિંડીની વિવિધ કલમો હેઠળ ગુનો દાખલ કર્યો છે. પોલીસ હાલ આરોપીની ધરપકડ કરવા માટે ચક્રો ગતિમાન કર્યા છે. આ મામલે અન્ય કોઈ શખ્સની સંડોવણી છે કે કેમ અને પડાવેલા પૈસા ક્યાં વાપર્યા છે તે દિશામાં પણ તપાસ શરૂ કરવામાં આવી છે.

આ પણ વાંચો----      Bhavnagar : અશાંતધારામાં ભ્રષ્ટાચાર મામલે 15 દિવસે ફરિયાદ, મદદનીશ કલેક્ટરે જ પોતાના ડ્રાઈવર સામે ફરિયાદ નોંધાવી