Ahmedabad: કોલ્ડપ્લે : સૌપ્રથમ વખત ખાનગી કાર્યક્રમને NSG નું સુરક્ષા કવચ

અમદાવાદના નરેન્દ્ર મોદી સ્ટેડિયમમાં તા.25 અને 26ના રોજ વિશ્વ વિખ્યાત કોલ્ડપ્લે બેન્ડનો શો યોજાનાર છે. આ શો માટે તંત્ર દ્વારા ચકલું પણ ફારકી ના શકે તેવો લોખંડી બંદોબસ્ત ગોઠવવામાં આવનાર છે. ખાનગી કાર્યક્રમને પહેલી વખત એનએસજીનું સુરક્ષા કવચ મળવાનું છે. તે ઉપરાંત ત્રણ હજાર કરતા વધુ પોલીસ કર્મચારીઓ બંને દિવસ સુધી બંદોબસ્ત જાળવશે.

આગામી તા.25 અને 26 જાન્યુઆરીએ નરેન્દ્ર મોદી સ્ટેડિયમમાં કોલ્ડપ્લે કોન્સર્ટ યોજાવાની છે. બે દિવસ દરમ્યાન બે લાખથી વધુ પ્રેક્ષકો આવવાના હોવાથી સુરક્ષા અને ટ્રાફિકને લઇને અમદાવાદ પોલીસ દ્વારા ખાસ એક્શન પ્લાન તૈયાર કરાયો છે. જેમાં નરેન્દ્ર મોદી સ્ટેડિયમમાં અને તેની ફારતે કુલ 3,825 જેટલા પોલીસ અધિકારીથી લઇને કોન્સ્ટેબલો ખડેપગે બંદોબસ્તમાં તૈનાત રહેશે. ટ્રાફિકના જેસીપીથી લઇને TRB જવાનો પણ રોડ પર ટ્રાફિક ન થાય અને શાંતિપૂર્ણ રીતે વાહનવ્યવહાર ચાલુ રહે તે માટે કાર્યરત રહેશે. ઉપરાંત બોમ્બ ડિટેક્ટિવ એન્ડ ડિસ્પોઝલ સ્કવોડ, એસડીઆરએફા, ક્યુઆરટીની ટીમે પણ બંદોબસ્તમાં જોડાશે. સ્ટેડિયમમાં આવતા પ્રેક્ષકોના ચેકિંગ માટે 150 ડૉર ફ્રેમ મેટલ ડિટેક્ટર અને 250 હેન્ડ હેલ્ડ મેટલ ડિટેક્ટરની પણ વ્યવસ્થા કરવામાં આવી છે. જ્યારે ક્રાઇમ બ્રાન્ચ અને એસઓજીની ટીમ પણ અલાયદા બંદોબસ્તમાં તૈનાત રહેશે. ટ્રાફિકની સમસ્યા ઉભી ન થાય અને આડેધડ વાહનો લોકો પાર્ક કરે નહીં તે માટે ટ્રાફિક પોલીસ દ્વારા 16 ક્રેનની પણ વ્યવસ્થા કરાઈ છે. જો કોઇ આડેધડ વાહન કરશે તો ટ્રાફિક પોલીસ ટો કરીને કાયદેસરની કાર્યવાહી કરાશે. કાર્યક્રમ દરમ્યાન કોઇ વ્યકિતની તબિયત લથડે અથવા કંઇપણ આરોગ્ય લગતી તકલીફા ઉભી થાય તો જલ્દીથી સારવાર મળી રહે તે માટે સ્ટેડિયમ ખાતે કામચલાઉ હોસ્પિટલની સુવિધા પણ ઉભી કરાઇ છે.