Ahmedabad News : ચાંદખેડામાં બેકાબૂ ઈકોનો તાંડવ, 3 દુકાનોમાં ઘૂસતા મચી અફરાતફરી

અમદાવાદના ચાંદખેડા વિસ્તારમાં એક મોટો અને ગંભીર અકસ્માત સર્જાયો હોવાના અહેવાલ સામે આવ્યા છે. ચાંદખેડામાં આવેલી જાગૃતિ હાઈસ્કૂલની બિલકુલ પાસેના રોડ પર એક પૂરઝડપે આવી રહેલી ઇકો કાર અચાનક બેકાબૂ બની હતી અને માર્ગ પરથી સીધી જ આસપાસની ત્રણ દુકાનોની અંદર ધસી ગઈ હતી, જેના કારણે સ્થાનિક વેપારીઓમાં ભારે ફફડાટ અને દોડધામ મચી ગઈ હતી.

રસ્તા પર પડેલા સાધનો અને આસપાસની વસ્તુઓને લીધી અડફેટે

ઘટનાસ્થળે પ્રત્યક્ષદર્શીઓએ જણાવ્યા મુજબ, કાર એટલી બેકાબૂ હતી કે તેણે દુકાનોમાં ઘૂસતા પહેલા રસ્તામાં પડેલા વિવિધ સાધનો અને બહાર મૂકેલી ચીજવસ્તુઓને પણ જોરદાર ટક્કર મારીને અડફેટે લીધી હતી. સદભાગ્યે આ અકસ્માતમાં કોઈ મોટી જાનહાનિ ટળી હતી, પરંતુ દુકાનો અને બહારની મિલકતોને મોટું નુકસાન પહોંચ્યું છે.

ટ્રાફિક પોલીસ દ્વારા ઘટનાસ્થળે પહોંચીને વધુ તપાસ હાથ ધરાઈ

આ ગસ્તી અકસ્માતની જાણ થતાં જ સ્થાનિક ટ્રાફિક પોલીસની ટીમ તાત્કાલિક ઘટનાસ્થળે દોડી આવી હતી. પોલીસે અકસ્માત સર્જનાર વાહન અને ચાલક અંગેની પ્રાથમિક વિગતો મેળવીને સમગ્ર મામલે ટ્રાફિક નિયમોના ભંગ તથા અકસ્માતના ચોક્કસ કારણો જાણવા માટે કાયદેસરની વધુ તપાસ શરૂ કરી છે.

આ પણ વાંચો : Ahmedabad News : સાણંદ હત્યા કેસમાં કોર્ટનો મોટો ચુકાદો, આરોપી જુવાન વડેરાને આજીવન કેદની સજા