Ahmedabadમાં વિરામ બાદ ધોધમાર વરસાદ, લોકોને ગરમીથી મળી રહાત

અમદાવાદમાં લાંબા વિરામ બાદ વરસાદનું આગમન થયું છે. ભારે ઉકળાટ અને ગરમીથી લોકોને રાહત મળી છે. શહેરમાં મોડી સાંજે ભારે પવન સાથે ધોધમાર વરસાદ પડી રહ્યો છે. અમદાવાદ શહેરના અનેક વિસ્તારોમાં વરસાદ, વસ્ત્રાપુર, એસ.જી.હાઈવે વિસ્તારમાં વરસાદ, સેટેલાઈટ, પ્રહલાદનગર વિસ્તારમાં વરસાદ, ગુરૂકુલ, ઘાટલોડિયા વિસ્તારમાં ધોધમાર વરસાદ પડી રહ્યો છે.

 અમદાવાદ સહિત 13 જિલ્લામાં ભારે વરસાદનું યેલો અલર્ટ 

ગુજરાતમાં હવામાન વિભાગ દ્વારા ભારે વરસાદની આગાહી કરવામાં આવી છે.  આજે અમદાવાદ સહિત 13 જિલ્લામાં ભારે વરસાદનું યેલો અલર્ટ અપાયું છે. રાજ્યમાં આગામી 7 દિવસ વરસાદની આગાહી કરવામાં આવી છે. ચાર વરસાદી સિસ્ટમ સક્રિય થતા વરસાદ પડવાની સંભાવના વ્યક્ત કરવામાં આવી છે. આગામી થોડા દિવસો સુધી માછીમારોને દરિયો ન ખેડવા સૂચના આપવામાં આવી છે.

ચાર વરસાદી સિસ્ટમ સક્રિય

રાજ્યમાં આગામી 7 દિવસ વરસાદની આગાહી કરવામાં આવી છે. રાજ્ય તરફ ચાર વરસાદી સિસ્ટમ સક્રિય થતા વરસાદ પડવાની સંભાવના વ્યક્ત કરવામાં આવી છે. ઓફ શોર ટ્રફ,સાયક્લોનિક સર્ક્યુલેશન,લો પ્રેશર અને મોન્સૂન ટ્રફ સક્રિય થયું છે. રાજ્યમાં ક્યાંક ભારે તો ક્યાંક અતિભારે વરસાદની આગાહી કરવામાં આવી છે.