4 વર્ષની બાળકીને ચોકલેટની લાલચ આપી કાકીની મદદથી કાકાએ દૂષ્કર્મ આચર્યું

હવસખોર સગા કાકા-કાકીની પોકસો કલમ હેઠળ ધરપકડ ખાંભા પંથકનો ચકચારી બનાવ: 2 વર્ષ અગાઉ કાકા સામે છેડતીની ફરિયાદ નોંધાઈ હતીઅમરેલી, : ખાંભા પંથકમાં ચોકલેટની લાલચ આપી ચાર વર્ષની ભત્રીજી પર કાકીની મદદથી સગા કાકાએ દૂષ્કર્મ આચરવાની ઘટના બનતા ચોમેર ફીટકાર વરસી રહ્યો છે. મોડી રાતે નોંધાવેલી ફરિયાદમાં કાકી સામે એવો આક્ષેપ કરાયો છે કે કાકીએ બાળકીને પકડી રાખી હતી અને તે પછી કાકાએ દૂષ્કર્મ આચર્યું હતું. આ વિચિત્ર ફરિયાદ અને ઘટના અંગે પોલીસ પણ વિમાસણમાં મુકાઈ ગઈ હતી. ફરિયાદના પગલે આક્ષેપિત કાકાની પોકસો કલમ હેઠળ તેમજ કાકી સામે મદદગારી  સહિતની કલમ હેઠળ ગુન્હો નોંધી ધરપકડ કરી છે. ઉલ્લેખનીય છે કે આરોપી કાકા સામે ર૦રરની સાલમાં છેડતી અંગે ફરિયાદ નોંધાઈ હતી.