વાપીના જવેલર્સના શોરૂમમાં લૂંટ કરવાનો પ્લાન બનાવનારી ગેંગના ચાર સાગરિત પકડાયા

Aug 26, 2025 - 18:00

Join our WhatsApp Community to receive travel deals, free stays, and special offers!
- Join Now -

Valsad Crime : વલસાડ જીલ્લા પોલીસે વાપીના જવેલર્સના શો-રૂમમાં લૂંટનો પ્લાન બનાવનારી ગેંગના ચાર સાગરિતની ધરપકડ કરી બે પિસ્તોલ, દેશી તમંચો, 10 જીવતા કારતૂસ, રોકડ, ધાતુ અને ચાંદીના દાગીના, મોબાઈલ, લેપટોપ, ઓટો રીક્ષા સહિતનો મુદામાલ જપ્ત કર્યો છે. ચાર પૈકી ત્રણ આરોપી મધ્યપ્રદેશ પોલીસના હાથે પકડાયા બાદ પોલીસે કબજો લીધો હતો.

વાપી વિસ્તારમાં નોંધાયેલા ત્રણ ચોરીના ગુના સંદર્ભે વાપી ટાઉન-ડુંગરા પોલીસ અને લોકલ ક્રાઈમ બ્રાન્ચની ટીમે સીસીટીવી ફુટેજ અને ટેકનિકલ સર્વેલન્સના આધારે તપાસનો દોર શરૂ કર્યો હતો. જે દરમિયાન મળેલી માહિતીના આધારે પોલીસની ટીમે વાપીના ગીતાનગરમાં એક મકાનમાં છાપો માર્યો હતો. જે દરમિયાન હાથ ધરેલી તપાસ વેળા બે પિસ્તોલ અને એક દેશી તમંચો તથા 10 જીવતા કારતૂસ મળી આવ્યા હતા.