નારણપુરામાં જુગારનો અડ્ડો ચલાવતા બુટલેગર સહિત ૧૮ જુગારીઓ ઝડપાયા

અમદાવાદ,રવિવારશહેરના નારણપુરામાં આવેલી સંગીતા સોસાયટીમાં મકાન ભાડે રાખીેને સરસપુરના એક લિસ્ટેડ બુટલેગરે શરૂ કરેલા જુગારના અડ્ડા પર ક્રાઇમબ્રાંચના સ્ટાફે દરોડો પાડીને ૧૮ લોકોની ધરપકડ કરીને ૧.૩૫ લાખનો મુદ્દામાલ જપ્ત કરીને કાર્યવાહી કરી હતી. આ કેસના મુખ્ય આરોપી વિરૂદ્ધ અત્યાર સુધીમાં જુગારના અનેક કેસ નોંધાઇ ચુક્યા છે. ક્રાઇમબ્રાંચના સ્ટાફને બાતમી મળી હતી કે મુળ સરસપુર કડીયાવાડમાં રહેતો  અલ્પેશ  પટેલ નારણપુરા અંકુર રોડ પર આવેલી સંગીતા સોસાયટીમાં આવેલા એક મકાનમાં બહારથી જુગારીઓને બોલાવીને કમિશન પર મોટા પ્રમાણમાં જુગાર રમાડે છે. જેના આધારે પોલીસે  દરોડો પાડયો ત્યારે સ્થળ પરથી અલ્પેશ પટેલ અને  અન્ય ૧૭ જુગારીઓ મળી આવ્યા હતા.