નવરાત્રિમાં છેડતીની 16 ફરિયાદ, સૌથી વધુ અમદાવાદમાં મદદ માગી, અકસ્માતના રોજના 500 કેસ

During Navaratri Women Molestation-Road Accident Cases Increase: ગુજરાતીઓનો મનપસંદ તહેવાર એવા નવરાત્રિનું સમાપન થઈ ચુક્યું છે. ત્યારે કહેવાતા સુરક્ષિત રાજ્યમાં આ વર્ષે નવરાત્રિમાં બળાત્કાર અને છેડતીની શરમજનક ઘટનાઓ સામે આવી હતી. પોલીસ વિભાગ પાસેથી મળતી માહિતી મુજબ, નવરાત્રિ દરમિયાન ગરબાના સ્થળે યુવતીઓ સાથે છેડતીની 16 જેટલી ઘટના સામે આવી છે. જેમાં ફરિયાદ મળતાં ‘શી' ટીમે સ્થળ પર જઈને યુવતીઓનું રેસ્ક્યુ કરવા ઉપરાંત આ લુખ્ખા તત્ત્વોને મેથીપાક ચખાડ્યો હતો. આ સિવાય રાજ્યમાં નવરાત્રિ દરમિયાન અકસ્માતથી ઈજાના પણ કુલ 4489 એટલે કે રોજના સરેરાશ 500 ઈમરજન્સી કેસ નોંધાયા છે.