જામનગરના રાજપાર્ક વિસ્તારમાં કાર અને બાઇક વચ્ચેના અકસ્માતમાં પતિ પત્ની અને બે બાળકીઓ સહિત ચાર વ્યક્તિ ઘાયલ

જામનગરમાં રાજપાર્ક વિસ્તારમાંથી બાઈક પર પસાર થઈ રહેલા એક દંપતિ અને તેણીની બે બાળકીને એક કાર ચાલકે ઠોકરે ચડાવ્યા હતા, અને  ચારેયને ઇજા થઈ હોવાથી જી.જી. હોસ્પિટલમાં સારવાર અપાઇ છે. પોલીસે કારચાલક સામે ગુનો નોધ્યો છે.આ અકસ્માતના બનાવની વિગત એવી છે કે જામનગરમાં રંગમતી સોસાયટી પ્લોટ નંબર ૧૦૦, મકાન નંબર -૪ માં રહેતા સંજયભાઈ દામજીભાઈ કણજારીયા ભાઈબીજ ના તહેવારના દિવસે પોતાના બાઈક પર પત્ની ચેતનાબેન તથા બે બાળકીઓ જાહ્નવી તેમજ રુચા ને બેસાડીને રાજપાર્ક રોડ પરથી પસાર થઈ રહ્યા હતા.