પુત્રએ છરીથી કરેલાં હુમલામાં ઘાયલ પિતાનું મોત, બનાવ હત્યામાં પરિણમ્યો

- પિતાએ વાપરવાના પૈસા નહી આપતા પુત્રએ છરી વડે હુમલો કર્યો હતો- ઇન્દિરાનગરમાં બનેલા બનાવમાં સારવાર લઇ રહેલા વૃદ્ધ પિતાનું મોત થતાં પોલીસે પુત્ર વિરૂધ્ધ હત્યાની કલમ ઉમેરીભાવનગર : શહેરના ઇન્દિરાનગર નવી નિશાળ સામે રહેતા પ્રૌઢ ભંગારની ફેરી કરી ઘરે આવ્યા ત્યારે પુત્રએ વાપરવા માટે પૈસાની માંગણી કરી હતી. પ્રૌઢ પાસે પૈસા નહિ હોવાના કારણે પુત્રને પૈસા આપવાની ના પાડતા ગુસ્સામાં પુત્રએ પિતાને છરીના ઘા ઝીંકી જાનથી મારી નાખવાની ધમકી આપી હતી. પ્રૌઢને ગંભીર હાલતે ભાવનગરની હોસ્પિટલમાં ખસેડવામાં આવ્યા હતા. જ્યાં તેમનું સારવાર દરમિયાન મોત નીપજતાં બનાવ હત્યામાં પરિણમ્યો હતો.