દુબઈમાં ફસાયેલા ભારતીયો માટે સ્પેશિયલ ફ્લાઇટની સુવિધા ઉપલબ્ધ ન થતા મુશ્કેલી વધી

Mar 6, 2026 - 03:00

Join our WhatsApp Community to receive travel deals, free stays, and special offers!
- Join Now -

દુબઈમાં ફસાયેલા ગુજરાતી પર્યટકો હાલ ભારત પરત આવવા પરેશાનીનો સામનો કરી રહ્યા છે. દુબઈથી વડોદરાના નાગરિકે જણાવ્યું છે કે, દુબઈ એરપોર્ટફરી શરૂ થયા પછી પણ ભારત પરત ફરવા ઇચ્છતા ભારતીય નાગરિકો માટે સ્પેશિયલ ફ્લાઇટની કોઈ સુવિધા ઉપલબ્ધ નથી. જેથી ભારત સરકારના વિદેશ મંત્રાલયને વિનંતી કરી છે કે, દુબઈમાં અટવાયેલા ભારતીય નાગરિકો માટે તાત્કાલિક સ્પેશિયલ ફ્લાઇટની વ્યવસ્થા કરી વ્યાજબી ભાવે ટિકિટ ઉપલબ્ધ કરાવવામાં આવે.

વડોદરાનાએડવોકેટ શૈલેષ અમીને જણાવ્યું છે કે, સામાન્ય રીતે પર્યટકો દુબઈ, ફુજૈરાહ, શારજાહ અને અબુધાબી એરપોર્ટ મારફતે ભારત તરફ મુસાફરી કરે છે. આ તમામ એરપોર્ટ યુએઈમાં એકબીજાથી નજીક હોવાથી કાર દ્વારા એકથી બે કલાકમાં પહોંચી શકાય છે, પરંતુ દરેક એરપોર્ટની ફ્લાઇટ ઓપરેશન અંગે અલગ એડવાઈઝરી હોવાને કારણે હાલ મુસાફરી મુશ્કેલ બની છે.