Surat: ઓક્સિજન ઘટી જતા અફરાતફરી..! 20થી વધુ મહિલા બેભાન

સુરતના ઝાંપાબજાર નુરપુરાના બેઝમેન્ટ હોલમાં ઓક્સિજન ઘટી જતા 20થી વધુ મહિલા બેભાન થયાના સમાચાર સામે આવ્યા છે. બેઝમેન્ટ હોલમાં ઓક્સિજન ઘટી જતા એક પછી એક મહિલાઓ પડવા લાગી હતી. સમગ્ર ઘટનાના CCTV ફૂટેજ સામે આવ્યા છે.મળતી માહિતી મુજબ, સુરતના ઝાંપાબજાર દેવડી પાછળ આવેલા નુરપુરાનાં બેઝમેન્ટમાં આવેલા હોલમાં ઓક્સિજનનું પ્રમાણ ઘટી જતાં 20થી વધુ મહિલાઓ બેભાન થઈ જતાં મોડીરાત્રે અફરાતફરી મચી ગઈ હતી. દાઉદી વોરા સમાજના રાત્રિ ભોજન માટે AC હોલમાં નોનવેજ સિઝલર આરોગવા આવેલી 20થી વધુ મહિલાઓ એક પછી એક બેભાન થવા લાગી હતી. ધાર્મિક તહેવાર નિમિત્તે હતી દાવત તે દરમિયાન રપુરાના બેઝમેન્ટ હોલમાં દાઉદી વ્હોરા સમાજના રાત્રિ ભોજન કાર્યક્રમ હતો. આ કાર્યક્રમમાં મોટી સંખ્યામાં મહિલાઓ ભેગી થઈ હતી. અચાનક ઓક્સિજન ઘટી જતા 20થી વધુ મહિલાઓ બેભાન થવા લાગી હતી. આ સમગ્ર ઘટના પોલીસ-આરોગ્ય વિભાગથી છુપાવવામાં આવી હોવાનું સુત્રો દ્વારા માહિતી મળી રહી છે. ગેરકાયદે મિલકત સાથે બેઝનમેન્ટ બનાવ્યું છે. હોલ બનાવનાર બિલ્ડરોને બચાવવાનો પ્રયાસ કરવામાં આવી રહ્યો છે. તંત્રથી ઘટના છૂપાવવામાં આવી છે. સોશિયલ મીડિયામાં વીડિયો ફોટો વાયરલ થયો છે.