Olympic 2036ની યજમાની કરવાની રેસમાં સામેલ થયું ભારત, આ શહેરમાં આયોજન કરવાનો મૂક્યો પ્રસ્તાવ

ઓલિમ્પિક 2036 ના આયોજન અંગે આજકાલ ઘણી ચર્ચા થઈ રહી છે. ભારત હાલમાં ઓલિમ્પિક 2036 ના આયોજન અધિકારો મેળવવાનો પ્રયાસ કરી રહ્યું છે. ભારતીય ઓલિમ્પિક એસોસિએશનના એક ઉચ્ચ સ્તરીય પ્રતિનિધિમંડળે મંગળવારે 1 જુલાઈના રોજ લુસાનેમાં આંતરરાષ્ટ્રીય ઓલિમ્પિક એસોસિએશનના મુખ્યાલયની મુલાકાત લીધી હતી.

તેમાં ભારતના કેન્દ્રીય રમતગમત મંત્રાલયના ઘણા વરિષ્ઠ અધિકારીઓ સામેલ હતા. તે પ્રતિનિધિમંડળનું નેતૃત્વ પીટી ઉષા કરી રહ્યા હતા, જે હાલમાં દેશના ઓલિમ્પિક એસોસિએશનના પ્રમુખ છે.

ભારતીય પ્રતિનિધિમંડળે ત્યાં આંતરરાષ્ટ્રીય ઓલિમ્પિક સમિતિના અધિકારીઓ સાથે બેઠક યોજી હતી. આ બેઠકમાં ગૃહરાજ્ય મંત્રી હર્ષ સંઘવી પણ સામેલ થયા હતા. અને તેમને જણાવ્યું હતું કે તેઓ અમદાવાદમાં ઓલિમ્પિક 2036નું આયોજન કરવા માગે છે. આ રીતે ભારતે સત્તાવાર રીતે ઓલિમ્પિક 2036નું આયોજન કરવા તરફ એક પગલું આગળ વધ્યું છે.

આ અવસરે IOC એ ભારતીય પ્રતિનિધિમંડળને સમર ગેમ્સનું આયોજન કરવા માટે લેવાના જરૂરી પગલાં વિશે પણ માહિતી આપી હતી. એક પ્રેસ રિલીઝ દ્વારા, પ્રતિનિધિમંડળે જણાવ્યું હતું કે આ એક મહત્વપૂર્ણ ચર્ચા હતી, જે દરમિયાન તેમને અમદાવાદમાં ઓલિમ્પિકનું આયોજન કરવા વિશે કહેવામાં આવ્યું હતું.

2032 ઓલિમ્પિક લોસ એન્જલસમાં યોજાશે

તમને જણાવી દઈએ કે 2028 ઓલિમ્પિક લોસ એન્જલસમાં અને 2032 ઓલિમ્પિક બ્રિસ્બેનમાં યોજાશે, તેથી ભારતની નજર હવે 2036માં યોજાનારી ઓલિમ્પિક રમતો પર છે. ભારતની સાથે સાઉદી અરેબિયા, ઈન્ડોનેશિયા, તુર્કી અને ચિલી જેવા દેશો 2036 ઓલિમ્પિક અને પેરાલિમ્પિક્સની યજમાની માટે રેસમાં છે. તમને જણાવી દઈએ કે તાજેતરમાં IOCએ યજમાન દેશની પસંદગી પ્રક્રિયામાં કેટલાક ફેરફારો કર્યા છે. આવામાં હવે જોવાનું એ રહે છે કે ભારતને 2036 ઓલિમ્પિક રમતોનું યજમાની મળે છે કે નહીં.

ઓલિમ્પિક સમિતિ સાથેની બેઠક બાદ પીટી ઉષાએ શું કહ્યું?

ઓલિમ્પિક સમિતિના અધિકારીઓ સાથેની બેઠક બાદ, ભારતીય ઓલિમ્પિક એસોસિએશનના પ્રમુખ પીટી ઉષાએ કહ્યું કે 'ભારતીય ધરતી પર ઓલિમ્પિક માત્ર એક યાદગાર ઘટના જ નહીં, પરંતુ આવનારી પેઢીઓ પર પણ તેની અસર પડશે.' તમને જણાવી દઈએ કે આ પહેલા ભારતે ઓક્ટોબર 2023માં IOCને પત્ર લખીને 2036 ઓલિમ્પિકનું આયોજન કરવાની માગ કરી હતી.