Morbiના હળવદમાં ટ્રેકટરની ટ્રોલી નીચે બાળક કચડાઈ જતા નિપજયું મોત

હળવદમાં ટ્રેક્ટરમાં કચડાઇ જતા બાળકનું મોત ટ્રેકટરના પાછળના ટાયરમાં કચડાઈ જતા મોત ભાઈ-બહેન સ્કુટી પર શાળાથી પરત ફરતા હતા મોરબીના હળવદમાં ટ્રેકટરની ટ્રોલી નીચે બાળક કચડાઈ જતા મોતની ઘટના બની છે,બહેન તેના ભાઈને લઈ શાળાએથી પરત આવી રહી હતી તે દરિમયાન ભાઈ વ્હીકલની પાછળ બેઠો હતો,અચાનક તે વ્હીકલ પરથી નીચે પડે છે અને ત્યારબાદ પાછળ ટ્રેકટરની અડફેટે તે ચઢી જાય છે,ત્યારે તેનું ઘટના સ્થળે જ મોત થતા પરિવારમાં શકોનો માહોલ છે. પોલીસે હાથધરી તપાસ ઘટના ધોળા દિવસે બની હતી જેમાં બાળકને લઈ તેની બહેન શાળાએથી પરત ફરી રહી હતી.હળવદના સરા રોડ પર બાળક અને તેની બહેન જઈ રહ્યા હતા તે દરમિયાન આ ઘટના બની હતી,સમગ્ર ઘટના સીસીટીવી કેમેરામા કેદ થઈ છે,ઘટના બનતાની સાથે જ લોકોના ટોળેટોળા ઉમટી પડયા હતા,બાળકને સારવાર હેઠળ ખસેડાયો તે પહેલા જ તે મોતને ભેટયો હતો,પોલીસે અકસ્માતે મોતનો ગુનો નોંધીને મૃતદેહને પીએમ અર્થે મોકલી આપ્યો છે. બાળકને વાહન પર આગળ બેસાડો પાછળ નહી ઘણી વાર આપણે સૌએ આવા સમાચાર સાંભળ્યા છે કે બાળકને માતા-પિતાએ પાછળ બેસાડયા હોય અને તે પડી જાય તો તે પાછળ આવતા વાહનની અડફેટે ચઢી જાય છે અને મોતને ભેટે છે,પરંતુ જયારે માતા હોય કે પિતા બન્નેમાંથી કોઈ એક વ્યકિત વાહન લઈને જતુ હોય તો તમે તમારા બાળકને પાછળ નહી પણ તમારી આંખની સામે બેસાડો,પાછળ બાળક શું કરે છે તેની ખબર રહેતી નથી અને તે વાહન પરથી પડી જાય છે અને મોતને ભેટે છે. પરિવારમાં શોકનો માહોલ રક્ષાબંધન પર્વને હવે ગણતરીના કલાકો જ બાકી રહ્યાં છે ત્યારે એક ના એક ભાઈનું મોત થતા બહેનના આસું નથી સૂકાઈ રહ્યા,અને માતા-પિતાને આઘાત લાગ્યો છે,પોલીસે અકસ્માતે ગુનો નોંધ્યો છે અને તપાસ હાથધરી છે,બાળક કઈ રીતે નીચે પડી જાય છે તેની ખબર તેની બહેનને પણ નથી રહેતી પરંતુ ટ્રેકટર ઉભુ રહ્યું ત્યારે ખબર પડે છે કે,ભાઈનું પ્રાણ પંખેરૂ ઉડી ગયું છે.