Ahmedabadના કારંજની પટવા શેરીમાં SOGએ એમડી ડ્રગ્સ સાથે ફિરોજ શેખની કરી ધરપકડ

અમદાવાદ એસઓજીએ કારંજની પટવા શેરીમાંથી એમડી ડ્રગ્સ સાથે આરોપી ફિરોજ શેખની ધરપકડ કરી છે,22.28 ગ્રામ એમડી ડ્રગ્સ સાથે આરોપીની ધરપકડ કરવામાં આવી છે.ડ્રગ્સ રાજસ્થાનના ફરીદ પાસે મંગાવવામાં આવ્યું હતુ પરંતુ હાલમાં તે આરોપી પોલીસ ચોપડે ફરાર છે એસઓજી પોલીસે વધુ તપાસ કરી છે અને એનડીપીએસ એકટ હેઠળ ગુનો નોંધ્યો છે. કારંજમાંથી ઝડપાયું ડ્રગ્સ અમદાવાદ એસઓજીને બાતમી મળી હતી કે કારંજની પટવા શેરીમાં ડ્રગ્સનો ધંધો ચાલી રહ્યો છે ત્યારે ખાનગીખુણે આ ડ્ર્ગ્સનું વેચાણ કરવામાં આવી રહ્યું છે તેવી માહિતીના આધારે રેડ કરવામાં આવી છે,રાજસ્થાનથી ડ્રગ્સ લાવવામા આવતું અને અમદાવાદમાં કોને કોને આ ડ્રગ્સ આપવામાં આવતું હતુ તેને લઈ પોલીસે તપાસ હાથધરી છે. 06-09-2024ના રોજ 200 કિલો ડ્રગ્સ ક્રાઈમ બ્રાન્ચે ઝડપ્યું અમદાવાદ ક્રાઈમ બ્રાન્ચને મોટી સફળતા મળી હતી.200 કિલો ડ્રગ્સ સાથે જીઆઈડીસી વિસ્તારમાંથી 3 આરોપીઓની ધરપકડ કરવામાં આવી હતી,આ જથ્થો ટ્રકમાં આવી રહ્યો હતો અને પોલીસને બાતમી મળતા ટીમ કામે લાગી ગઈ હતી,પોલીસે તમામ આરોપીઓની અટકાયત કરીને વધુ પૂછપરછ હાથધરી હતી,અગામી સમયમાં આ ડ્રગ્સ કોને આપવાનું હતું તેને લઈને પણ ખુલાસા થઈ શકે છે. 10-08-2024ના રોજ પણ ઝડપ્યું ડ્રગ્સ અમદાવાદ ક્રાઈમ બ્રાન્ચે એલિસબ્રિજની એમજે લાયબ્રેરી પાસેથી એમડી ડ્રગ્સ સાથે 3 આરોપીઓની ધરપકડ કરી હતી,આરોપીઓ પાસેથી 143.330 ગ્રામ એમડી ડ્રગ્સ મળી આવ્યું હતુ જેની બજાર કિંમત અંદાજે 14 લાખ રૂપિયા થાય છે.પોલીસને બાતમી મળી હતી અને તે બાતમીના આધારે પોલીસે ત્રણ આરોપીઓને ઝડપી પાડયા હતા. 11-08-2024ના રોજ પોસ્ટ ઓફિસમાંથી ઝડપ્યું ડ્રગ્સ અમદાવાદના શાહીબાગમાં આવેલી ફોરેન પોસ્ટ ઓફિસમાંથી સાયબરક્રાઈમે હાઈબ્રીડ ગાંજાના 37 પાર્સલ જપ્ત કર્યા હતા,અલગ-અલગ દેશમાંથી પાર્સલ મંગાવાયા હતા જે દેશના અલગ-અલગ જિલ્લામાં જવાના હતા પરંતુ તે પહેલા જ અમદાવાદની સાયબર ક્રાઈમે તેને ઝડપી પાડયા છે,આ પાર્સલ કોને અને કયાંથી મંગાવ્યા હતા તેને લઈ પોલીસે તપાસ તેજ કરી છે. ડ્રગ્સને લઈ ગુજરાત પોલીસની મુહિમ ડ્રગ્સને લઈ ગુજરાત પોલીસની મુહિમ ચાલી રહી છે,અલગ-અલગ જિલ્લાઓમાંથી ડ્રગ્સ ઝડપાઈ રહ્યું છે અને આરોપીઓ સામે કડક કાર્યવાહી કરાઈ રહી છે,કચ્છના ક્રીક વિસ્તારમાં સૌથી વધુ બિનવારસી હાલતમાં ડ્રગ્સના પેકેટ મળી આવે છે,તો બીજા નંબરે સુરતમાં સૌથી વધુ ડ્રગ્સ ઝડપાઈ રહ્યુ છે,ત્યારે અગામી દિવસોમાં પોલીસની આ મુહિમ કેટલો રંગ લાવશે તે જોવું રહ્યું.