Ahmedabad News: અમદાવાદ શહેર પોલીસના ગરબામાં અધિકારીઓ ગરબે ઘૂમ્યા, પાર્થિવ ગોહિલે ગરબાની રમઝટ બોલાવી

અમદાવાદ શહેરમાં અનેક જગ્યાએ ગરબાના આયોજન કરવામાં આવ્યાં છે. ગરબા દરમિયાન લોકોની સુરક્ષા અને કાયદો વ્યવસ્થા જાળવવા બંદોબસ્તમાં રહેતા પોલીસ જવાનોના ગરબા પણ યોજાયા છે. શહેરના સરખેજ વિસ્તારમાં એક પાર્ટી પ્લોટમાં પોલીસ દ્વારા ગરબાનું આયોજન કરવામાં આવ્યું હતું. જેમાં અનેક પોલીસ કર્મીઓ ગરબા રમવા માટે ઉમટ્યા હતાં.

અમદાવાદ પોલીસના ગરબામાં અધિકારીઓ ગરબે ઘૂમ્યા

અમદાવાદ શહેરના સરખેજ વિસ્તારમાં સ્થિત ગ્રીન અંદાજ પાર્ટી પ્લોટ ખાતે આજે નવરાત્રિના છેલ્લા દિવસે અમદાવાદ પોલીસના ગરબા યોજાયા હતાં. આ ગરબામાં ઉચ્ચ પોલીસ અધિકારીઓથી માંડીને નાના કર્મચારીઓ પણ ગરબા રમવા માટે આવ્યા હતાં. શહેરમાં બંદોબસ્તમાં ખડેપગે રહેતા પોલીસ અધિકારીઓ આજે ગરબા રમ્યા હતાં. અમદાવાદ પોલીસના ગરબામાં અધિકારીઓ ગરબે ઘૂમ્યા હતાં.

એક શામ પોલીસ પરિવાર કે નામ અંતર્ગત ગરબાનું આયોજન

અમદાવાદમાં એક શામ પોલીસ પરિવાર કે નામ અંતર્ગત સિંગર પાર્થિવ ગોહિલના સ્વરમાં ગરબાનું આયોજન કરવામાં આવ્યું હતું. આ ગરબા મહોત્સવમાં DG, CP, DCP, ACS હોમ એમ.કે.દાસ સહિતના મોટા અધિકારીઓ પણ ઉપસ્થિત રહ્યાં હતાં. મહિલા અધિકારીઓ પણ ચણિયાચોળી પહેરીને ગરબા રમવા આવ્યા હતાં. પાર્થિવ ગોહિલ દ્વારા ગવાતા ગરબામાં પોલીસ અધિકારીઓ મન મુકીને ગરબા રમ્યા હતાં.