Accident: લીંબડી-અમદાવાદ હાઇવે પર અકસ્માત, એક વ્યકિતનું ઘટનાસ્થળે જ મોત

સુરેન્દ્રનગર જિલ્લાના લીંબડી -અમદાવાદ હાઇવે પર બાઈક અને કાર વચ્ચે અકસ્માતમાં એક વ્યકિતનુ ઘટનાસ્થળે જ મોત નીપજ્યુ હતું. જયારે આ અકસ્માતની ઘટનામાં એક વ્યક્તિને ઇજાગ્રસ્ત હાલતમાં સારવાર અર્થે હોસ્પિટલ ખસેડવામાં આવ્યા છે.લીંબડી - અમદાવાદ હાઇવે પર અવારનવાર ગોઝારા અકસ્માતના બનાવો બનતા હોય છે. ત્યારે પાણશીણા ગામના પાટિયા પાસે પુરપાટ ઝડપે જઈ રહેલી કાર ચાલકે બાઈકને અડફેટે લેતા અકસ્માત સર્જાયો હતો. આ ગોઝારા અકસ્માતની ઘટનાના પગલે હાઈવે પર ટ્રાફિકજામના દ્દશ્યો સર્જાયા હતા. આ અકસ્માતની ઘટનાના પગલે લોકોના ટોળેટોળા બનાવના સ્થળે દોડી ગયા હતા. આ ઘટનાની જાણ થતા લીંબડી પોલીસે તાકીદે ઘટનાસ્થળે પહોંચી મૃતદેહને હોસ્પિટલ ખસેડવાની સાથે અકસ્માત અંગેનો ગુનો દાખલ કરી વધુ તજવીજ હાથ ધરી છે. આ કેસની વધુ તપાસ લીંબડી પોલીસ ચલાવી રહી છે.અમદાવાદ ધંધુકા હાઈવે પર સર્જાયો અકસ્માત અમદાવાદ ધંધુકા રોડ ખડોળ પાટિયા પાસે અકસ્માત. કાર ચાલકે કાબૂ ગુમાવતા અકસ્માત સર્જાયો. જેમાં બે વ્યક્તિઓ ઇજાગ્રસ્ત થયા છે. જેને લઈને ધંધુકા 108 એમ્બ્યુલન્સ ઘટનાસ્થળે પહોંચી. ઇજાગ્રસ્તોને ધંધુકા RMS હોસ્પિટલમાં સારવાર માટે ખસેડવામાં આવ્યા. કારમાં ચાર વ્યક્તિઓ સવાર હતા. કારમાં સવાર ચારેય અમદાવાદના રહેવાસી હતા, જેઓ અમદાવાદથી સાળંગપુર તરફ જઈ રહ્યા હતા. ડ્રાઇવિંગ દરમિયાન મોબાઇલ ચાલુ હોય તેવું પ્રત્યક્ષદર્શીએ જણાવ્યું હતું.