પૂર્વ કચ્છમા મકાન ભાડે આપી પોલીસમાં જાણ ન કરાવતા વધુ 38 મકાન માલિકો સામે ફોજદારી

રજીસ્ટર ન નિભાવનારા લેબર કોન્ટ્રાકટરો વિરુદ્ધ પણ ગુના નોંધાયા ગાંધીધામ: પૂર્વ કચ્છ જિલ્લામાં ભાડુઆત નોંધણી ચેકીંગ માટે પોલીસ દ્વારા ખાસ ડ્રાઈવ યોજવામાં આવી હતી. જેમાં પરપ્રાંતિયોને મકાન ભાડેથી આપી પોલીસ સ્ટેશનમાં નોંધ ન કરાવનાર ૩૯ મકાન માલિકો સામે ગઈકાલે જાહેરનામાં ભંગના કેસ દાખલ કરાયા બાદ વધુ ૩૮ મકાન માલિકો સામે કાર્યવાહી કરવામાં આવી છે.જેમાં કારખાના-ઔદ્યોગિક એકમમાં મજૂર નોંધણી અગેનું રજિસ્ટર ન નિભાવનાર ચાર કોન્ટ્રાક્ટર વિરુદ્ધ પણ ગુનો નોંધી કાર્યવાહી કરવામાં આવી હતી.પ્રાપ્ત માહિતી અનુસાર પૂર્વ કચ્છમાં કારખાના, ઔદ્યોગિક એકમો અને બેનસાઓ મોટી સંખ્યામાં આવેલા છે.