જામનગર જીલ્લામાં વીજતંત્ર દ્વારા પખવાડિયાના વિરામ બાદ ફરીથી વીજ ચેકિંગ શરૂ : 57.62 લાખની વીજ ચોરી પકડાઈ

Jamnagar PGVCL : જામનગર શહેરમાં તેમજ લાલપુર અને જામજોધપુર પંથકમાં પખવાડિયાના વિરામ બાદ ગઈકાલે વીજ તંત્ર દ્વારા ફરીથી વીજ ચેકિંગની કાર્યવાહી હાથ ધરવામાં આવી હતી, અને 39 વિજ ચેકીંગ ટુકડીઓને દોડતી કરાવાઈ હતી. અને ચેકિંગ દરમિયાન 92 વિજ જોડાણમાંથી ગેરરીતિ મળી આવી છે, અને તેઓને 57.62 લાખના વીજ ચોરીના પુરવણી બિલો અપાયા છે.જામનગર પીજીવીસીએલ વર્તુળ કચેરીની ચેકિંગ ડ્રાઇવ દ્વારા ગઈકાલે સોમવારે સવારે જામનગર શહેરના હનુમાન ટેકરી વામ્બે આવાસ, બેડેશ્વર, પુનિત નગર, ધરાર નગર સહિતના શહેરી વિસ્તારોમાં તેમજ લાલપુર તાલુકા અને જામજોધપુરના વાલાસણ અને સીદસર સહિતના રૂરલ એરિયામાં સામુહીક રીતે વિજ ચેકીંગ હાથ કરવામાં આવ્યું હતું.