Sabarkantha: પોળોમાં રેલિંગ તોડીને ગાડી ખાડામાં ઉતરી ગઈ, બે યુવાનોના મોત

સાબરકાંઠાના પોળો વિસ્તારમાં કાર ડૂબવાની ઘટના બીજીવાર બની છે. ઊંડા પાણીમાં ખાબકતા બે યુવકોના કારમાં જ ડૂબવાથી મોત થયા છે. સમગ્ર બનાવ વિજયનગર ઇડર રોડ ઉપરનો છે. મોડીરાત્રે સલુંબર રાજસ્થાનથી અંબાજી તરફ જતા ગોજારો અકસ્માત સર્જાયો. વિજયનગર પોલો પાસેના ઇડર હાઇવે પરના ડેમના કિનારેના ભાગમાં ખાડામાં રેલિંગ તોડી કાર ખાડામાં ખાબકી. વણજ ગામ પાસે કાર રોડની પાસેની પાણી ભરેલી ચોકડીમાં ખાબકતા સાથે બે યુવકોના મૃતદેહ પણ મળી આવ્યા હતા. બે યુવકો રાજસ્થાનના સુલુંબરના રહેવાસી છે. મૃતદેહ અને કારને ક્રેન દ્વારા બહાર કાઢવામાં આવી. વિજયનગર પોલીસે આગળની તપાસ હાથ ધરી છે.