Translate to...

હાઇ રિસ્ક પર ચલાવવામાં આવી રહ્યા છે ગુજરાતના 9 પાવર પ્લાન્ટ, કેન્દ્રના રિટાયર કરવાના આદેશ છતાં બેરોકટોક ચાલુ

હાઇ રિસ્ક પર ચલાવવામાં આવી રહ્યા છે ગુજરાતના 9 પાવર પ્લાન્ટ, કેન્દ્રના રિટાયર કરવાના આદેશ છતાં બેરોકટોક ચાલુ




તમિલનાડુની પાવર પ્લાન્ટ હોનારતમાં 13 લોકોનાં મોતની દુર્ઘટનાથી ગુજરાત સરકારે કોઈ બોધપાઠ લીધો નથી. અનેક જીવના જોખમે રાજ્યમાં 25 વર્ષથી વધારે જૂના કોલસા આધારિત પાવર પ્લાન્ટ ચલાવવામાં આવી રહ્યાં છે. કેન્દ્ર સરકારે 25 વર્ષ કે તેથી વધારે જૂના પાવર પ્લાન્ટ બંધ કરવાનો આદેશ એક વર્ષ પહેલા આપી ચૂકી છે. ગુજરાત સરકારે વણાકબોરી અને ઉકાઈ વીજ મથકના 9 એકમ બંધ કરવાના છે. જો કે આ માટે 2022-2027 સુધીનો સમય અપાયેલો છે. જો કે 2004થી 2012 વચ્ચે જ આ તમામ એકમોના 25 વર્ષ પૂરા થઈ ચૂક્યાં છે.

જો આ એકમોમાં ડિસેમ્બર 2019 સુધીમાં એફજીડી (ફ્લૂ ગેસ ડિસલ્ફરાઇઝેશન) સિસ્ટમ લગાવી દેવામાં આવે તો એકમોને 2022 સુધી ચલાવી શકાય એમ છે. પણ તેના માટે રાજ્ય સરકારે માતબર ખર્ચ કરવો પડે એમ છે, સરકાર આ ખર્ચને ટાળી રહી છે. હવે એફજીડી સિસ્ટમ નહીં હોવાથી દરેક પ્લાન્ટ પર પ્રતિ માસ 18 લાખ રૂપિયાની પેનલ્ટી લાગૂ થઈ રહી છે. પણ રાજ્ય સરકાર પેનલ્ટીની રકમ પણ ભરી રહી નથી અને સરકારને એ પણ ચિંતા નથી કે ભવિષ્યમાં પેનલ્ટીની મોટી રકમ ભરવી પડશે. રાજ્ય સરકારના ઊર્જા વિભાગના અધિકારીએ એમ કહીને હાથ અધ્ધર કરી દીધા છે કે અમને હજુ સુધી કોઈ નક્કર આદેશ મળ્યો નથી. આ અંગે અનેક પ્રયાસો કરવા છતાં પણ રાજ્યના ઊર્જા સચિવ સુનયના તોમરે કોઈ પણ ટિપ્પણી કરવાનો ઈનકાર કર્યો હતો. બીજી તરફ સેન્ટ્રલ ઇલેક્ટ્રીસિટી ઑથોરિટી કહે છે કે અમે યાદી બનાવીને રાજ્યોને આદેશ આપી ચૂક્યાં છીએ, હવે તેમણે કાર્યવાહી કરવાની છે.

ગુજરાતના આ પ્લાન્ટ્સને રિટાયર કરવાની જરૂર છે

પ્લાન્ટ યુનિટ નં. ક્યારે નિર્માણ 25 વર્ષ પૂર્ણ ઉકાઈ 3 જાન્યુઆરી, 1979 જાન્યુઆરી 2004 ઉકાઈ 4 સપ્ટેમ્બર, 1979 સપ્ટેમ્બર, 2004 ઉકાઈ 5 જાન્યુઆરી, 1985 જાન્યુઆરી, 2010 વણાકબોરી 1 માર્ચ, 1982 માર્ચ, 2007 વણાકબોરી 2 જાન્યુઆરી, 1983 જાન્યુઆરી, 2008 વણાકબોરી 3 માર્ચ, 1984 જાન્યુઆરી, 2008 વણાકબોરી 4 માર્ચ, 1986 માર્ચ, 2011 વણાકબોરી 5 સપ્ટેમ્બર, 1986 સપ્ટેમ્બર, 2011 વણાકબોરી 6 નવેમ્બર, 1987 નવેમ્બર, 2012

અગાઉ પ્લાન્ટ બંધ થયા છે2017માં રાજ્યમાં સિક્કા અને ઉકાઈના 480 મેગાવૉટ ક્ષમતાના ચાર એકમો બંધ કરાયા હતા.

પ્રદૂષણ અને દુર્ઘટનાનો ભય મુખ્ય કારણસેન્ટ્રલ ઇલેક્ટ્રિસિટી ઑથોરિટી (CEA)નું કહેવું છે કે 25 વર્ષમાં તમામ પાવર પ્લાન્ટનો ખર્ચ વસૂલ થઈ ચૂક્યો છે. તેના મશીનોની ક્ષમતાનો પણ અંત આવી ગયો છે. પ્રદૂષણ અને ભય બન્ને વધી રહ્યાં છે તેથી તેને બંધ કરવા જરૂરી છે. માહિતી મુજબ ઓછો ખર્ચ થાય એ માટે આંખ આડા કાન કરવામાં આવી રહ્યાં છે. સરકાર એફજીડી સિસ્ટમ લાગુ કરવાના કે નવો પ્લાન્ટ સ્થાપવાનો ખર્ચો કરવા માગતી નથી. તેનાથી વીજળીનું ઉત્પાદન મોંઘુ થશે અને વીજળી વેચવા પરનું માર્જિન પણ ઘટી જશે.

વારંવાર નોટિસ મળ્યા છતાં પણ ઊર્જા મંત્રીનો દાવો, બધા જ પ્લાન્ટ સુરક્ષિતરાજ્યના ઊર્જા મંત્રી સૌરભ પટેલે જણાવ્યું હતું કે, ‘પ્લાન્ટમાં સુરક્ષા અને પર્યાવરણના નિયમોનું પાલન થતું હોય તો ચલાવી શકાય છે. CEAએ દેશભરમાં 110 જૂના પ્લાન્ટ્સની તપાસ માટે કમિટિ બનાવી છે. હું ખાતરી આપુ છું કે અમારા તમામ પ્લાન્ટ નિયમાનુસાર ચાલી રહ્યાં છે.’ ગુજરાત સ્ટેટ ઇલેક્ટ્રિસિટી કોર્પોરેેશનના કાર્યકારી નિર્દેશક એચએન બક્ષીનું કહેવું છે કે ‘કેન્દ્ર સરકારની સૂચના મળી હતી પણ અત્યારે પ્લાન્ટ પૂરતી ક્ષમતા મુજબ ચાલી રહ્યાં છે. રિટાયર કરવાના મુદ્દે વિચારણા ચાલી રહી છે.’







CEA મુજબ 25 વર્ષમાં આવા પ્લાન્ટના મશીનની ક્ષમતા નબળી પડી જાય છે.