સુશાંતનું પહેલા અપમાન કર્યું હવે KRK મગરના આંસુ સારે છે, મનોજ વાજપેઈ સહિતના સેલેબ્સે બૉયકૉટની માગણી કરી

સુશાંતનું પહેલા અપમાન કર્યું હવે KRK મગરના આંસુ સારે છે, મનોજ વાજપેઈ સહિતના સેલેબ્સે બૉયકૉટની માગણી કરી



સુશાંત સિંહ રાજપૂતના નિધન બાદથી કમાલ રાશિદ ખાન ઉર્ફે KRK દુઃખી થઈને ઈમોશનલ વીડિયો શૅર કરે છે. KRKના મતે સુશાંતે આત્મહત્યા નહોતી કરી પરંતુ તેની હત્યા થઈ હતી. આ દરમિયાન KRKના જૂના વીડિયો સામે આવ્યા છે. આ વીડિયોમાં KRK સુશાંતની ફિલ્મ તથા તેની ખરાબ રીતે મજાક ઉડાવે છે. KRKનું અચાનક જ બદલાઈ ગયેલું વલણ જોઈને મિલાપ ઝવેરી, મનોજ વાજપેઈ સહિતના સેલેબ્સે ચાહકોને તેનો બૉયકૉટ કરવાની માગણી કરી છે.

હાલમાં જ ફિલ્મમેકર મિલાપ ઝવેરીએ KRKનો એક વીડિયો શૅર કર્યો હતો, જેમાં તેણે ‘કેદારનાથ’ ફિલ્મની ટીકા કરી હતી. આ વીડિયોમાં KRKએ સુશાંત પર ઘણી જ પર્સનલ કમેન્ટ્સ કરી હતી. હવે KRK સુશાંતના અવસાન બાદ આંસુ સારે છે. આ સાથે જ મિલાપે કહ્યું હતું, ‘આ ફ્રોડ તથા બકવાસ KRKનો આ અસલી ચહેરો છે. આજે મગરના આંસુની સાથે ટ્રેજેડીમાંથી ફાયદો ઉઠાવવાનો પ્રયાસ કરે છે. જોકે, વાસ્તવમાં સુશાંત જીવતો હતો ત્યારે તે ખરાબ રીતે ટીકા કરતો હતો. KRK પોતાના બનાવટી વ્યવહારથી એક મૃત વ્યક્તિનું અપમાન કરી રહ્યો છે. આ સમય આવા લોકોને અટકાવવાનો છે.’

This is the true face of the fraud and disgusting Krk. Today he is trying to profit off a tragedy with his fake tears. But the reality is that he was horrid to Sushant while he was alive. Krk is the one insulting the departed with his fake behaviour. Time to stop such people. pic.twitter.com/KcOBwkirCD

— Milap (@zmilap) July 3, 2020

મિલાપ ઝવેરીની આ વાત પર મનોજ વાજપેઈએ સમર્થન કર્યું હતું અને કહ્યું હતું, મિલાપ આમાં હું તમારી સાથે છું. આ સાથે જ ઈન્ડસ્ટ્રીમાં લોકોને વિનંતી કરું છું કે જે લોકો આવું કરે છે, તે બંધ કરે અથવા તો કર્મ તો ચોક્કસથી પરિણામ આપશે.

With you on this @zmilap also urge the people from the industry who mentor these elements to stop doing so else KARMA is waiting ....!!! https://t.co/dXnUVoAFNW

— manoj bajpayee (@BajpayeeManoj) July 3, 2020

મનોજ વાજપેઈ તથા મિલાપ ઝવેરી ઉપરાંત રકુલ પ્રીતે પણ ક્લેપિંગ ઈમોજીની સાથે પોતાનું સમર્થન આપ્યું હતું. આ ઉપરાંત ઘણાં સેલેબ્સે મિલાપની વાત પર સમર્થન આપ્યું હતું.