રહેણાંક વિસ્તારના સ્મશાનગૃહમાં કોરોનાગ્રસ્ત દર્દીની અંતિમવિધિને લઇને સ્થાનિકોનો વિરોધ, 24 કલાકથી મૃતદેહ રઝળી રહ્યો છે

રહેણાંક વિસ્તારના સ્મશાનગૃહમાં કોરોનાગ્રસ્ત દર્દીની અંતિમવિધિને લઇને સ્થાનિકોનો વિરોધ, 24 કલાકથી મૃતદેહ રઝળી રહ્યો છે



ભરૂચના નર્મદા કિનારે આવેલા દશાશ્વમેઘ ઘાટ પાસે શાંતિવન સ્મશાનગૃહમાં કોરોનાગ્રસ્ત દર્દીની અંતિમક્રિયાનો વિવાદ સતત બીજા દિવસે પણ યથાવત રહ્યો છે. ભરૂચના રહેણાંક વિસ્તારમાં સ્મશાનગૃહ આવ્યું હોવાથી કોરોના પોઝિટિવ દર્દીનો મૃતદેહ લાવતા લોકોએ કોરોનાના જોખમના ડરે વિરોધ કર્યો છે. છેલ્લા 24 કલાકથી નિવૃત પોલીસકર્મીના અંતિમ સંસ્કાર થઇ શક્યા નથી અને મૃતદેહ રઝળી રહ્યો છે.

પોલીસ અને તંત્ર દ્વારા સમાધાન માટે પ્રયાસ શરૂભરૂચના દશાશ્વમેઘ ઘાટ પાસે આવેલા શાંતિવન સ્મશાનગૃહમાં શુક્રવારે કોરોનાગ્રસ્ત નિવૃત પોલીસકર્મીનો મૃતદેહની અંતિમ વિધિને લઇને સ્થાનિક લોકોએ વિરોધ કર્યો હતો. જેથી અંકલેશ્વરના સ્મશાનગૃહમાં મૃતદેહના અંતિમ સંસ્કાર માટે જઇ જવાયો હતો. જોકે ત્યાં પણ અંતિમવિધિને લઇને વિવાદ સર્જાયો હતો. જેથી રાત્રે મૃતદેહને ફરીથી કોવિડ-19 હોસ્પિટલમાં લઇ જવાયો હતો. અને આજે ફરીથી ભરૂચના સ્મશાનગૃહમાં અંતિમવિધિ માટે મૃતદેહને લવાયો હતો. જ્યા ફરીથી લોકોએ વિરોધ કર્યો હતો. આ ઘટનાની જાણ થતાં પોલીસ અને તંત્રની ટીમ દોડી ગઇ હતી અને લોકોને સમજાવવાના પ્રયાસો કર્યાં છે. આ ઉપરાંત ભરૂચ પ્રાંતધિકારી એન.આર. પ્રજાપતિ સ્મશાનગૃહ પહોંચ્યા છે અને સમાધાનના પ્રયાસો શરૂ કર્યાં હતા. છેવટે નર્મદા કિનારે અંતિમવિધિ કરવાનું નક્કી કરાયું હતું. જોકે લોકોએ ત્યાં પણ અંતિમવિધિ કરવા સામે વિરોધ કર્યો છે.

(અહેવાલઃ પ્રકાશ મેકવાન, ભરૂચ)







Locals protest the coroners funeral at a residential cemetery with the body wandering without a funeral for 24 hours in bharuch