મેલબોર્નમાં કોરોનાના સતત વધતા કેસોને લીધે આ વર્ષે 26 ડિસેમ્બરે ભારત-ઓસ્ટ્રેલિયા બોક્સિંગ ડે ટેસ્ટ સિડનીમાં રમવામાં આવે તેવી સંભાવના છે. જો આવું થાય, તો આ ગ્રાઉન્ડ પર સીરિઝની સતત બે ટેસ્ટ મેચ રમાશે. આ વર્ષે 3 ડિસેમ્બરથી બંને દેશો વચ્ચે 4 ટેસ્ટની શ્રેણી શરૂ થશે.
સીરિઝના શેડયૂલ મુજબ, બંને દેશો વચ્ચે ત્રીજી ટેસ્ટ મેલબોર્નમાં 26-30 ડિસેમ્બર દરમિયાન યોજાવાની છે, જ્યારે સિડનીમાં ચોથી ટેસ્ટ 3-7 જાન્યુઆરી દરમિયાન થશે. સિડનીએ બોક્સિંગ ડે હોસ્ટ કરવાની ઓફર કરી છે. 26 ડિસેમ્બરે ક્રિસમસ પછીના બીજા દિવસે થનારી મેચને બોક્સિંગ ડે ટેસ્ટ કહેવામાં આવે છે. જ્યારે વર્ષની પ્રથમ મેચને ન્યૂ યર ટેસ્ટ કહેવામાં આવે છે.
સિડની ક્રિકેટ ગ્રાઉન્ડ ટ્રસ્ટના અધ્યક્ષ ટોની શેફર્ડે સિડની મોર્નિંગ હેરાલ્ડને કહ્યું હતું કે અમે બોક્સિંગ-ડે ટેસ્ટની યજમાની કરીને ખૂબ જ ખુશ હોઈશું. કારણ કે તે એક મોટી સ્પોર્ટ્સ ઇવેન્ટ છે. તે સિડની શહેર અને અહીંના લોકો માટે પણ સારું રહેશે. જો ક્રિકેટ ઓસ્ટ્રેલિયા (CA) તૈયાર થાય છે, તો અમે આ મેચને હોસ્ટ કરવા માટે સંપૂર્ણ સક્ષમ છીએ.
વેલ્સ સ્ટેટના ડેપ્યુટી પ્રીમિયર જોન બારીલારોએ ક્રિકેટ ઓસ્ટ્રેલિયા અને વિક્ટોરિયા પ્રાંતના અધિકારીઓને પત્ર લખીને સિડનીમાં બોક્સિંગ-ડે ટેસ્ટનું આયોજન કર્યું છે. ખરેખર, મેલબોર્ન વિક્ટોરિયાની રાજધાની છે. અહીં, CA ટૂંક સમયમાં આ મુદ્દા પર બેઠક કરશે અને મેલબોર્નને બદલે બીજા શહેરમાં બોક્સિંગ-ડે ટેસ્ટમાં શિફ્ટ કરવાનો નિર્ણય લેવામાં આવશે.
સિડની સિવાય એડિલેડ અને પર્થને પણ બોક્સિંગ ડે ટેસ્ટની યજમાની મળી શકે છે. આ બંને શહેરોમાં કોરોનાના એક્ટિવ કેસ ઓછા છે. તેમજ સ્ટેડિયમ પાસે જ સારી હોટલ્સ પણ છે. જ્યાં ટીમ રોકાઈ શકે છે અને તેમને વધુ ટ્રાવેલિંગ કરવું નહિ પડે.
Boxing-Day Tests could be held in Sydney from December 26 due to increasing cases of corona in Melbourne, in which case 2 consecutive Tests of the series will be played on the same ground.
