મુખ્યમંત્રીના સુરત આગમન પૂર્વે જ સ્મીમેરમાં 2 દર્દીને ઓક્સિજન ન મળતાં બંનેના એકસાથે મોત

મુખ્યમંત્રીના સુરત આગમન પૂર્વે જ સ્મીમેરમાં 2 દર્દીને ઓક્સિજન ન મળતાં બંનેના એકસાથે મોત



મુખ્યમંત્રીના સુરત આગમન પૂર્વે જ સ્મીમેર હોસ્પિટલમાં બે દર્દીઓના મોત નિપજતા ખળભળાટ મચી ગયો હતો. સ્મીમેર હોસ્પિટલ અને સિવિલ હોસ્પિટલમાં કોરોના દર્દીઓની સારવાર બાબતે પ્રશ્નો ઉભા થતા રહ્યા છે ત્યારે શુક્રવારે અત્યંત ગંભીર ઘટના બની જતા સ્મીમેર અને મનપા તંત્ર દોડતું થઈ ગયું હતું.ડોક્ટર હાજર નહીં હોવાના કારણે તેમજ ઓક્સિજન ઓછો મળવાને કારણે આડોશ પાડોશમાં રહેતા બે વૃદ્ધોના મોત નીપજ્યા હતા.

સાંજે સાડા પાંચથી છ વાગ્યાના સમયે અચાનક જ બંનેના મોતઆખા મામલે ડોક્ટરો ઉપર આક્ષેપો થઇ રહ્યા છે અને ડોક્ટરોની બેદરકારી સામે રોષ વ્યાપી ગયો છે. કાપોદ્રાની ઇશ્વરકૃપા સોસાયટીમાં રહેતા 59 અને 65 વર્ષિય બે વૃદ્ધોને શ્વાસની તકલીફ થઇ હતી. કોરોનાના શંકાસ્પદ લક્ષણો જણાતા ગુરુવારે સવારના સમયે સ્મીમેર હોસ્પિટલના કોરોનાની ઓપીડીમાં સારવાર માટે ખસેડાયા હતા. અહીં તેઓની હાલત ખરાબ થઇ હતી અને ઓક્સિજન ઉપર રખાયા હતા. શુક્રવારે સાંજે સાડા પાંચથી છ વાગ્યાના સમયે અચાનક જ બંનેના મોત નીપજ્યા હતા.

ડોક્ટરને કહેવા છતાં ધ્યાને ન લીધુંશુક્રવારે સાંજે સાડા પાંચ વાગ્યે ઘટના બની છે. મારા પિતાને ઓક્સીજન માટે બાઇપેપ મશીનરી લગાડી હતી અને અચાનક બંધ થઇ ગઇ હતી જેના કારણે ઓક્સીજન મળતો જ બંધ થઇ ગયો હતો. ડોક્ટરોને બોલાવીને જાણ કરાઇ હતી. પરંતુ હાજર એક ડોક્ટરે થોડી વારમાં આવું છુ કહીને ચાલ્યા ગયા હતા.ઓક્સિજન ન મળતા જ મોત થયું છે.> અજય કાકડીયા, મૃતકનો પુત્ર

મોત બેદરકારીથી થયા નથી: ડીનસ્મીમેરમાં બેદરકારીને લીધે 2 દર્દીઓના મોત નિપજ્યાના કિસ્સામાં સ્મીમેર મેડિકલ કોલેજના ડિન આર.કે. બંસલ દ્વારા ખુલાસો કરવામાં આવ્યો છે કે બંને દર્દી લીંબાભાઈ કાપડિયા (57) અને નરસીભાઈ મોહનભાઇ મંગરોળિયા (65)(બંને રહે, ઇશ્વરકૃપા સોસાયટી, કાપોદ્રા) બંને પૈકી લીંબાભાઈ ડાયાબિટીસની બીમારીથી પીડાતા હતા જ્યારે નરસીભાઈને ન્યુમોનિયાની બીમારી હતી.ઉપરાંત ડાયાબિટીસ અને બ્લડ પ્રેશર પણ હતું. શરૂઆતથી જ વેન્ટિલેટર પર હતા.સારવાર દરમિયાન મોત નીપજ્યું છે.

ઓક્સિજન ચાલુ હતો, બંધ નથી થયોઓક્સિજન ચાલુને ચાલુ જ છે. તે બંધ થયો નથી. ઓક્સિજન નહીં મળવાને કારણે તેમના મોત નિપજ્યા નથી.> જયેશ પટેલ,સિનિયર આર.એમ.ઓ.,સ્મીમેર







પ્રતિકાત્મક તસવીર